دفتري !!

[ماجد الجهني]

( 1 )

كان يا ما كان ..

أمااااااان ..

( 2 )

طابور !!

أحمد .. علي ..

خالد .. لؤي ..

منصور ..

أسهم ... سندات ..

تدافع ... لكمات ...

( مسلم .. )

يـُقتل .. يـُشرّد ..

يختفي الطابور !!

( 3 )

إفطار ..

يصحى مسلم ..

يمتنع عن أكل جبنة !!

تهتز دولة !!

خذ على هالوضع جولة !!

( 4 )

مسكين ..

قدّر الله وصار ..

زود ٍ على الحمل الثقيل ..

يـُنده : حمار !!

( 5 )

فكرة !!

زِد عـُري ..

تزدد شهرة !!

( 6 )

طيـّب وبأخلاقه أمير ..

الناس دايم تقصده ..

ومن ضحكته ..

يبين طيـّب مقصده ..

عيبه إنه ما يشوف ..

حاجبه ..

كث ّ وغزير !!

( 7 )

المقاعد محدودة !!

يعلن معهد ( ........ ) لتعليم اللغات والكمبيوتر عن مقاطعته المنتجات الدانمركية !!

( 8 )

دعوة ..

يالله نكتب عن فقير ..

عن معذب .. عن تعيس ..

يكسب النص ّ الحرارة ..

ونهرب لـ باريس !!


( 9 )

تفاوت ..

ناس شقيانة بـ قصر ..

وناس شقيانة بـ فقر ..

( 10 )

حادث !!

توفي شاب نتيجة دعمه من قبل إحدى الوزارات ..

( 11 )

توطين ..

غرس أفكار الفساد ..

في مخ هالمسكين ..

( 12 )

أكيد أعرفك !!

محبط ..

تعرج ..

تعتقد إنك غبي ..

وما انته غبي ..

أكيد انته ..عربي !!

[ماجد الجهني]

يضيق بداخلي وسعي !!

[ماجد الجهني]

قلنا نقرا ..

بس خفنا ..

نكون أدرى !!

[ماجد الجهني]

موت مر ّ ..

وشهقة الموت حضنت ..

حرف ٍ غبي !!

وأصبح عزانا ..

مؤ ..

مؤ ..

مؤتمر عربي !!

[ماجد الجهني]

أطلقي لنفسك سراحك !!

وارسمي للشمس رحلة ..

لو غدا يومك جراحك ..

صدقيني !!

باكر أحلى ..

إيييه يا طهر البقاع ..

لا تخافي لشمس روحك ..

من ضياع ..

باقية تبقين إنتي ..

في غدوّك أو مراحك ..

أطلقي لنفسك سراحك !!

وشوفي نفسك ..

شوفي باكر قبل يومك ..

وشوفي يومك قبل أمسك ..

شوفي نفسك لو دقيقة ..

ودثــّريها بنور شمسك ..

وارحلي عن حزن يومك ..

لانشراحك ..

أطلقي لنفسك سراحك !!

يكفي رحلة بدرب غيرك ..

يكفي حطـّك ..

يكفي شيلك ..

وين تهتي عن مداك ؟؟

ونور شمسك ..

يكفي تجريحك لنفسك ..

مو صباح الغير هذا ..

صدقيني ذا صباحك ..

أطلقي لنفسك سراحك !!

[ماجد الجهني]

يا رب اجعل مساها خير !!

واكــفـيها شـرور الغــير ..

هي أطهر ما رأى قـلبي ..

وعلى نغــمات أحـرفها ..

يرفرف في سماي الطير ..

يا رب اجعل مساها خير !!

[ماجد الجهني]

بعدك رحيلي يشـبه المـوت يا مي *** وبعدي رحيلك يشـبه الموت فيني

وجه الظلام وخاطري يشبه ايدي ّ *** طال الطريق ونظرتي تقـول ويني

لا دفـتري غنـّا على مسمـعي شي *** ولا نظرتي لبـّت لي أشواق عيني

البـارحة يـوم اشتعل موعدك ضي *** آخـــر دقـايقـها سـجد لـك جـبيـني

[ماجد الجهني]

باكر نموت !!

باكر يعلمنا الأسى ..

معنى السكوت ..

باكر وهو باكر أكيد ..

يا حاضن لـ نفسك سـَعة ..

باكر تجيك اللا ( سـَعة ) ..

مهما استبحت الأزمنة ..

باكر تضيق الأمكنة ..

باكر وهو باكر أكيد ..

باكر نموت !!

[ماجد الجهني]

[ماجد الجهني]

دون الأسى جـيتك وأنا كلي الموت

أخاف ما يشـفع عن الوصـل مـوتي

لك عيد وأحـباب و صُبُح..يزهرك توت

وأنا شحوب العيد حاضن ســكـوتي

عن وحدتي ماني ترى جـد مكبوت

عادي إلى أشعل غيابي .. خفوتي

وعادي إلى من قلت " كل عام ونموت"

أخاف أقول " بخير " ويضيع صوتي

وأبحث عن أطياف الفرح وأطرق بيوت

حامل ثمر شوقي و زهري و توتي

يا عيد لك لحظات أحزان و تفوت

تلقى على محراب حزني قنوتي

جيـتك وأنا في داخلي أحمل الموت

كل عام وإنت بخيــر وآنا " بـ موتي "