دفتري !!
 

( 1 )

كان يا ما كان ..

أمااااااان ..

( 2 )

طابور !!

أحمد .. علي ..

خالد .. لؤي ..

منصور ..

أسهم ... سندات ..

تدافع ... لكمات ...

( مسلم .. )

يـُقتل .. يـُشرّد ..

يختفي الطابور !!

( 3 )

إفطار ..

يصحى مسلم ..

يمتنع عن أكل جبنة !!

تهتز دولة !!

خذ على هالوضع جولة !!

( 4 )

مسكين ..

قدّر الله وصار ..

زود ٍ على الحمل الثقيل ..

يـُنده : حمار !!

( 5 )

فكرة !!

زِد عـُري ..

تزدد شهرة !!

( 6 )

طيـّب وبأخلاقه أمير ..

الناس دايم تقصده ..

ومن ضحكته ..

يبين طيـّب مقصده ..

عيبه إنه ما يشوف ..

حاجبه ..

كث ّ وغزير !!

( 7 )

المقاعد محدودة !!

يعلن معهد ( ........ ) لتعليم اللغات والكمبيوتر عن مقاطعته المنتجات الدانمركية !!

( 8 )

دعوة ..

يالله نكتب عن فقير ..

عن معذب .. عن تعيس ..

يكسب النص ّ الحرارة ..

ونهرب لـ باريس !!


( 9 )

تفاوت ..

ناس شقيانة بـ قصر ..

وناس شقيانة بـ فقر ..

( 10 )

حادث !!

توفي شاب نتيجة دعمه من قبل إحدى الوزارات ..

( 11 )

توطين ..

غرس أفكار الفساد ..

في مخ هالمسكين ..

( 12 )

أكيد أعرفك !!

محبط ..

تعرج ..

تعتقد إنك غبي ..

وما انته غبي ..

أكيد انته ..عربي !!

يضيق بداخلي وسعي !!

باكر نموت !!

باكر يعلمنا الأسى ..

معنى السكوت ..

باكر وهو باكر أكيد ..

يا حاضن لـ نفسك سـَعة ..

باكر تجيك اللا ( سـَعة ) ..

مهما استبحت الأزمنة ..

باكر تضيق الأمكنة ..

باكر وهو باكر أكيد ..

باكر نموت !!

دون الأسى جـيتك وأنا كلي الموت

أخاف ما يشـفع عن الوصـل مـوتي

لك عيد وأحـباب و صُبُح..يزهرك توت

وأنا شحوب العيد حاضن ســكـوتي

عن وحدتي ماني ترى جـد مكبوت

عادي إلى أشعل غيابي .. خفوتي

وعادي إلى من قلت " كل عام ونموت"

أخاف أقول " بخير " ويضيع صوتي

وأبحث عن أطياف الفرح وأطرق بيوت

حامل ثمر شوقي و زهري و توتي

يا عيد لك لحظات أحزان و تفوت

تلقى على محراب حزني قنوتي

جيـتك وأنا في داخلي أحمل الموت

كل عام وإنت بخيــر وآنا " بـ موتي "