البواااااااااااسل؟

[خلف بن مرزوق]

تستاهلون المدح يـ ارجـالٍ تهيـب ولاتهـاب=انتم حماة الدار بعـد الله ولجلـه ساهريـن
تستاهلون النِعم يـ ارجـالٍ تسوقـون الرقـاب=قلتوا(فدا بأرواحنا)من دون عـرض الامنيـن
نلتوا نعم يومن ثبتـوا بالمهمـات الصعـاب=كنتم سهامٍ للمنايـا فـي نحـور العابثيـن
بواسل الامن السعودي مجدكم فوق السحـاب=مصدر فخـر للملكـة حكامهـا ومواطنيـن
سيروا على منهاجكم واللي نوى بالشر خاب=يافخرنا ياذخرنـا فـي كـل ميـدانٍ وحيـن
بـإيمانكم وأيمانكم دحر الثعالـب يالذيـاب=سيف العدل هو خير رادع للمخادع بالحصين
ومادامنا متماسكين اللي طمع حلمة سـراب=شعب وقيادة مع بعض دون الوطن متماسكين
المفسدين ومن يواليهـم عساهـم للذهـاب=ليش ايحيون ان كان ماهم للصراط بمهتدين
الا الذي عاد لطريق الحـق ندمـانٍ وتـاب=نصفح ورب العرش يصفح عن ذنوب التايبين
مهد الرسالة للسماحة مايشرفهـا انتسـاب=للي سلك درب الضلال ويتبع ابليس اللعيـن
لو يلبسون اضعاف الانفس للعمايم والثيـاب=يخسوون عن نهج السعوديين ذولا خارجيـن
اجساد بيدين العدو دام العقول بهـا غيـاب=تستخدم الاصلاح حجة والحقيقـة مفسديـن
حتى فتاويهم تخاريفٍ تشوف بهـا العجـاب=المنتحر يصبح شهيدن ويتزوج حـور عيـن
ياجاهل اقرا ماحواه اصدق كتاب اطهر كتاب=قتل البري ذنبه يعادل قتل الانفـس اجمعيـن
ياللي تشوفون الدماء في راحة ايديكم خضاب=قتل المعاهد يُحرِم الجنة!..فكيف المسلمين؟!
اصواتكم لحن الحمام ..اقلوبكم لون الغـراب=ياللي مكرتوا للفسـاد الله خيـر الماكريـن
انتم تبون تشوهون الدين لاكن بـه شبـاب=بعد الله ودون الشريعة والوطن حصنٍ حصين
بـإقدامنا بـأقدامنا ناطى الفتن حيـة وداب=في مهدها نقضي عليها ماتطـول ولاتبيـن
جنود لله للوطن درع وعلى الظالـم عـذاب=ثلاث مانقبل بها سوم ارضٍ وعرضٍ وديـن
امواطنين ارجال امن للعرض نحرس كل باب=قاسين لو تقسى الظروف نزيد نقسى مانلين
بيعاز ابو متعب نسير ورايه الراي الصـواب=لصف واحد ومتكاتـف بالقلـوب وباليديـن
مادامنا متماسكين المعتـدي حلمـه سـراب=شعب وقيادة مع بعض دون الوطن متماسكين

[فيصل العمري]

لله دررك على هذه الرائعه

قصيده جميله وأكثر

صح لسانك

ولا هنت يالغالي

كل الود

[عبدالله العويمر]

بواسل الامن السعودي مجدكم فوق السحـاب
مصدر فخـر للملكـة حكامهـا ومواطنيـن
سيروا على منهاجكم واللي نوى بالشر خاب
يافخرنا ياذخرنـا فـي كـل ميـدانٍ وحيـن


هنا شعر وشعور




سلم نبضك اخي خلف














دمت بود

[سالم محمد اليامي]

بيض الله وجهك

وصح لساانك مليون

ولاهنت

اخوك

الراوي

[جمال العتيبي]

صح لسان خلف

بالفعل يستحقون ذلك واكثر

تقديري

[محمد ال مهيد]

الراائع خلف بن مرزوق


اولااا اسمح لي بااعاده التنسيق لتليق بهذا الحضوور

ثانيااا

صح لساانك وبيض الله وجهك


لاهنت

اخوك محمد

[ونين]

اخي خلف بن مرزوق

صح لسانك و سلم بنانك

اشكرك على القصيدة الجميلة

تحياتي

[مزون المحمد]

حضور أول


ولي عوده

[محمد الفرحان]

.

.

عاش الوطن شامخا" بقيادته الحكيمه

وأبناءه البواسل

,

.

وحتما" سيكون لي عوده الى متصفح

الأبطال . . .

.

.

دمت كماتحب يامبدع

[حماد القريني]

خلف بن مرزوق

صح لسانك وجاد نظمك

لاهنت ولاهان راسك

تحياااتي