القصايد والقوافي والوَرَقْ يحضِن وَرَقْ ..

[فيض المشاعر]

القصايد والقوافي والوَرَقْ يحضِن وَرَقْ ..
والبحور اللي طَرَتْــ لي خلَّت ( الصفحه ) تضيق ..!


(( احمد الصانع ))
تتغنى على اطرفه بوح النسيم ورقة الاحساس التي شغفتني وارهقتني ,,,,,,
معانيه تخرج من عمق بعيد جدا....!
اتمنى انكم تستمعون بـــ أديباً يمنحنا أبجديةٍ

{ القضيَّهـــ } "
مغفـره وذنـوب , والساعـه بـلا تُـوبَـه تــدور
السنـه صَـارتْ سَريعـه حِيـلْ , وأحْسِبْهَـا شهـر
عِـذتْ أنـا مِـنْ شَـرْ خَنـاسٍ يوسْـوسْ بالصـدور
ومـا بكـيـت إلا لـوجـه الله فــي ليـلـة قــدر
تِختصـر مَعنـى حياتِـكْ كيـف تبنـي لِـكْ قصـور!
أحْتِــــرم رايك ..
وهذي تُعتبَــر
..... ( وجهَــة نظر ) !

زيـن طيِّـب .. دام تِـدري إنَّ لِــكْ رَبٌ غـفـور
ليه مـا صَلِّيـتْ لَجلـه ومـا رفعـت إيـدك شكـر!؟
حَـدِّث العاقِـلْ بمَـا يُعقَـل ..وفـي قلـبٍ جَـسُـور
وإنْ خطيـت بحـق غيـرك روح قـدِّم لـه عــذر
رافِقْ الشخـص المِثالـي اللَّـي لـو تخطـي / يثـور
وإن سِمَعت إسْمَعْ مِنْ اللِّي تِلقى فـي صَمتـه " دُرر "
وقبل تِسأل عَنْ حياتـي وكِيـف وجهـي شَـع نـور
خلْ كلامـي لِـكْ وصيَّـه وخـلْ بعـد عِنـدكْ خبـر
ما نالْ في الدنيا أحَـدْ يـا سَائلـي غيـر (الصبـور)
والدليـل إنِّـي صِبـرتْ .. وكانـت أيـامـي تـمـر

لا تقول : الحَلْ إنِّكْ تِلقَى لِكْ ,عاشِقْ غَيور
إنْ حَبِّتِكْ عِينه ترى ..
ما حَبِّتِكْ
........ عِين الدهر !!

مِثلِـكْ أوَّلْ كـان حَالـي وضِيقتـي ونفـس الشعـور
كِنـت أقـول : شمعنـى قلبـي فـي مشاريعَـه خسـر
ما دريت إنَّ الغِيابْ أحيَـان أفضَـلْ .. مِـنْ حضـور
لِين شِفت " الشمس " تشرق بعد ما يغيـب ( القمـر )
وما دريـت إنَّ التواضُـع كنـز / ومَكـرُوه الغـرور
لِين شِفت إنَّ الغِنى .. فـي الآخِـرَه مِثـل الفقـر !!

كِنـتْ غافِـلْ فـي حياتـي وكِنـتْ أجْهَلْهَـا الأمـور
لِينْ ربِّـي لـه هدَانـي .. وصِـرتْ أدَوِّر لِـي أجـر
لا تقول : أعيـش يُومـي دامـي فـي عمـر الزهـور
منـت ضامِـنْ عُمـركْ الباقـي .. وقَطَّـافْ الزهَـر
قبـل لا تبـدي الخطِيئـه وتبْنِـي لِذنوبـك جـسـور
خـافْ مِـنْ ربِّـكْ وفكِّـر فـي وعَـد يُـوم الحشـر

مَهْمَا كِنت إنسَان " راقي " وتعشِق أنواع البخور
التراب اللَّي يضمك بعد مُوتك
........ والقبر !!

ياما قالوا الناس : خايف وقلـت : مـا فينـي قصـور
بَـسْ شِفـتْ إنَّ الشَّجَاعَـه مَعنـى ثانـي للخـطـر
إيـه خـافْ وكُـونْ سَالِـم دام هالدنـيـا بـحـور !
والبحـر مَهْمَـا وفالِـكْ طبعَـه ( غــدار ) البـحـر
وللشجر إن شفـت هامـه هـذا مِـنْ طيـب الجـذور
يعنـي ~أعمالـك | جـذورك هـذي هـي بالمختـصـر

القضيه:
ما هِـي شخـصٍ خالِفَـه شِرطـي المـرور
البشـر فـي الدنيـا هـذي صَـار ,
........ياكِلْهَـا بـشـر

×
هذي تعني لي شي كبير
من زمان ودي انقلها^_^
في كل حرف حكمه اروع من الثانيه
×


مخرج }
:
مسموح كل إنسان يقرا المعاني
لكن شعور القلب يا ناس محفوظ
ما قلت من ( حظَّه ) لأنه لقاني
أقول أنا من يوم ألاقيه : محظوظ