يـا سـعـد ...!!!

[خليل الشبرمي]

.

ياسعد وش شاف مجنون ليلى بالغرام=أشهد انه وان بِلِي بلوته ياهونها
ياسعد ليلاه وان مات فيها مستهام=تدري انه بالهوى ياسعد مجنونها
المصيبه من غدى ميتٍ له كم عام=عشقته ماتدري انه قتيل عيونها
قرهدت نفسه عليها ومرّ الكبد زام=ودوك قلبه ياسعد مزّعته طعونها
ياسعد والله يالولا الولي واخشى الملام=والقرابه والحيا والهوى وجفونها
لاانهبه وانحاش واجلى جنوب ديار يام=ما يردن لو وقف جيش هتلر دونها
ياسعد راع الهوى بالهوى لاضيم شام=مايرده طول بيبانها وحصونها
وان غوى راع الهوى في هواها مايلام=لااجتمع غبن الزمن ياسعد وغبونها
ياسعد هي منوة اللي تمنى والمرام=لعن ابو حظٍ قصر ياسعد من دونها
أسمع الرعاد واخيل براق الغمام=بس مادري ياسعد وين وبل مزونها
ياسعد والله فلا اسلى هواها لاحرام=لو يلوح الشيب في لحيتي وقرونها
وخذ وصاتي ياسعد وصلّه بنت الحشام=ذي وصاتي كان غيري غدى مظنونها
لا شرت ثوب الفرح تشتري لي باع خام=يدفنوني ليلة العرس ويزفونها

وسلامتـــــــــــــكم ...


.

[ليان]

خليل الشبرمي أبيات رائعة برغم الحزن الذي إستوطن حروفها صح لسانك وسلم إحساسك دمت بعيدا عن كل هذا ليان

[فواز المطيري]

خـليل الشــبرمي .. //

ونصّ يذهب الى دار الجمـآل..

خآلداً به..

صح لسآنك حتى تمّـل..

صح لسآنك إلى مالا حدود..







لا شرت ثوب الفرح تشتري لي باع خام
يدفنوني ليلة العرس ويزفونها


الله يطـوّل عمرك قل امين .. //



وفآئق الود.


.

[فهد الدباسي]

خليل الشبرمي



نصٌ طربيٌ جديد


يستحق الحضور مراتٍ و مرات لـ الإستمتاع


سـ أعود

[عبدالله العويمر]

خليل



سلم حرفك ونبضك










نص جميل







دمت بود

[محمد ال مهيد]

الراااااااائع خليل الشبرمي

صح لساانك

قصيده راائعه بروعه حضوورك

سعدت ان اكون احد المعاانقين

لهااا

سجل اعجابي

اخوك محمد

[خالد بن علي]

قصيدة رائعه بما تحمل الكلمة

حضور جدا راقي

وحرف شاهق المعالم

كم أنت جميل ورائع سيدي هنا

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[التميميه]

لا شرت ثوب الفرح تشتري لي باع خام
يدفنوني ليلة العرس ويزفونها

بصراحه

قصيده تفوق الوصف

صح لسانك ولاهنت

[محمد الفرحان]

.

.

سأعود يامبدع