هبي فالنتاين وألا نيو يير!!

[سلمان العتيبي]

	اللي نعرفه ان اعياد المسلمين عيدين! بس الحين كثرت الاعياد يالله العفو والعافيه وهذي مساجله بيني وبين الشاعر الرائع/محمد بن مصوي

[/]

هبـي فلنتايـن والاّ نيـو يـيـر=واحد من الاثنيـن شـرّف علينـا
أحدٍ على قربـه يـزف التباشيـر=وأحدٍ على فرقـاه يفـدي سمينـا
عيد النصارى صار في ديارنا غير=قمنـا نشيـل الـورد والياسمينـا
لا صارت الاعياد قلنا عسى خير=لا والله الاّ جابـوا العيـد فيـنـا
حجاج بيـت الله جونـا طوابيـر=,واستوطنوا فـي قبلـة المسلمينـا
وشبابنـا فـزوا بـدق المزاميـر=تواعدوا والباخـره وسـط مينـا
يبـون دارٍ فيـه للعيـد تحريـر=دار يشـاف الشيـن فيهـا يزينـا
خلوا مذاهبهم على جمـة البيـر=ثم ادبحوا مضمين مثـل القطينـا
راحوا لزيد الكيل وايـا المعاييـر=لا والله الا زادوا الـبـل طيـنـا
الثوب مـا يلبـس بليـا ازاريـر=والعين ما تعلو علـى الحاجبينـا
شوفوا السحاب اللي علينا مزابير=تبدلـت سحبـه بـعـجٍ دفيـنـا
ومادام رأس العام إسمه نيو ييـر=,لا والله الاّ جبتـوا العيـد فيـنـا

قريت مكتوبٍ عليـه التفاكيـر=فكـره تودينـا وفكـره تجينـا
قافٍ مسطره السنافي بتسطيـر=علم الوفا يفـرح بـه الوافيينـا
اللي لحقنـا مايسـرّ المناعيـر=خلها على الله يرحـم الميتينـا
شبابنا راحوا كما لقمـة الطيـر=وحنّا علـى ماصابهـم شايفينـا
لاعاده الله يالسنافي من عصيـر=عصرالتطور لعبة المغرضينـا
منولٍ نحثـل عليهـم معاذيـر=وألحين جرّ الذنب ذنبٍ مهينـا
يبغون للنسوان سلطـه وتقديـر=تحكم على الرجال حلف اليمينا
وفي شارع الحرّه تفلّ المضافير=ومؤيد الموضوع جنبـه متينـا
بغوا لوطنهم بالمكاسب مخاسير=يبرا مـن الملـه وتبـرا يدينـا
تشغلهم الدنيـا بجمـع الدنانيـر=ولاحازوا الثنتيـن دنيـا ودينـا
للهرج معنى وللمعاني تفاسيـر=ترى الرحى مادورت للطحينـا
كانـه فلنتايـن وألا نيـو ييـر=انا أشهد انـه مايونـسّ حدينـا

[عبدالرحمن القاضي]

سلمان العتيبي
صح لسانك
وصح لسان
محمد العازمي
لاهنتوا

[ناصر الحنو]

الله الله الله ياسلمان

مساجله رائعه

تحكي واقع وتصف حال

حال يرثى لها

فالله المستعان

رحم الله الحال ياسلمان

صح لسانك ولسان محمد ولاهنتوا

كل الحب والتقدير

اخوك ناصر
ظماالعشق

[عبدالله العويمر]

سلمان














سلم نبضك وفكرك





نص وظااهره






دمت بود

[فهد الدباسي]

سلمان العتيبي


كم أنت رائع و راقي



سـ أعود

[محمد ال مهيد]

الاخ الغالي سليمان العتيبي


اولاا اسمح لي باعاده التنسيق واتمنى ان ينال

اعجابك

امااا هذه المساجله فالكل منهاا يقوول الزود عندي

سعدت بالمرور من هناا صح لساانك

ولساان العازمي

اخوك محمد

[محمد الفرحان]

.

.

سأعود لمتصفح المبدعين

[أحمد الجعيد]

.
.

إبتسمت كثيرا ً
خلال قراءتي لك..

شاعر...تزرع الإبتساامه
بطريقة مهذّبه

صح قلبك / كلك

.
.

ودمت بحب...//

[عويد المغيليث]

سلمان العتيبي
صح لسانك
وصح لسان
محمد العازمي
لاهنتوا

تقبل تحيات اخوك المغيليث

[مزون المحمد]

حضور أول

ولي عوده