الــــدره المكـــنونه

[عبدالرحمن العتيبي]

الدرة اللي ماتجي عند تجار=في بحر من عقل وجمال وحشيمه
لانها صعبه على كل بحار= صارت حلم لاهل العقول السقيمه
ماطاوعت لاغراب واللي من الدار=صعبه عليهم فالعصور القديمه
واليوم في عصر التطور والاقمار=روح بها التيار مثل البهيمه
راح الحيا والستر منها وتختار= عوج الدروب وتترك المستقيمه
قامت مع الاغراب والا مع الجار=تبني مشاعر والعلاقه حميمه
يعني يجيها الشوق فالليل مسيار =والا مع انفاس الصباح ونسيمه
يالدره المكنونه امرار وامرار=قلنا لك انك من بحورن عظيمه
غيرك درر تعبث بها كف الاقدار=ماعاد صار الها مع الوقت قيمه
وانتي ترى لو زودو فيك الاسعار=ماطالتك حتى اليدين الكريمه
معززه ومكرمه والك مقدار= وحقوق مانرضى عليها هضيمه
بس الغريب اللي به القلب يحتار=غلاك يرخص للوجيه الوسيمه
ماودي تصيرين خطه لشطار=يخططون وتصبحين الغنيمه
انتي كذا خلقك ربي من احرار=لاتنظري للبوم وانتي فهيمه
وقدام قلب الشاعر يبوح الاسرار=ويزيد من نزف الجروح الاليمه
انصحك في عصر التطور والاقمار=ترك العوايدعاقبتها وخيمه

[عبدالعزيز الرقابي]

صح لسانك ياعبدالرحمن على هذه الدُرر الجميله

المهره اللي ماتجـي عنـد تجـار
في بحر من عقل وجمال وحشيمـه
لانها صعبـه علـى كـل بحـار
صارت حلم لاهل العقول السقيمـه

كان لي شرف معانقة هذا النص والمرور البكر عليه

لك اجمل تحيه
عبدالعزيز

عبدالرحمن العتيبي

صح نبضك قصيده قمة الروعه

وتسلم يمناك

ولاهنت ولاهان راسك

تقبل مرور المتواضع

[سليمان العقيل]

حضور متألق ورائع


تحياتي لك ولقلمك المبدع

[عسافه]

عبد الرحمن العتيبي


صح لسانكـ قصيده مميزه


وتسلم يمناك


ولاهنت ولاهان رسك



تقبل مروري المتواضع


عـــــ///ـــــــــــــــــآفه

[فهد الدباسي]

عبدالرحمن العتيبي


نصٌ جميل

و حضورٌ لافت


صح لسانك و لاهنت

تقبل تحياتي

[( حايره )]

من أجمل ما قرأت


كلمات نابعه من قلب ناصح


كلمات تدخل القلب دون إستئذان لصدقها



أستاذي

ألف ألف صح لسانك

ولا هنت

نتمنى تواصلك الدائم

[محمد الفرحان]

.

.

شاعرنا

عبدالرحمن العتيبي

.

.


صح لسانك مدد بلاعدد

ويسلم بنانك على هذه القصيده

الرائعه بروعة حضورك وتواجدك

.

.

سلمت ياشاعرنا ودمت مبدعا" بكل

حالاتك ولاعدمنا تواجدك . . .

.

.

تقبل فائق تقديري واحترامي

[قديم الشوق]

عبدالرحمن العتيبي

مبدع وممتع كعادتك

صح لسانك حتى ترضى

وتقبل فائق احترامي

أخوك / قديم الشوق

[محمد الرديني]

حضور راقي


ونص غارق بالجمال


ودي وتقديري