وان دعاء لي مطوع في نزاهة( خليفه)

[عادل الغدير]

ياالله اني بجاهك عن سواة الشريفه=ويالله اني بوجهك عن هواة الرفيق
وياالله اني بظلك في قيام المخيفه=وكل من حج للبيت الشريف العتيق
نغمة الشيح بعثر..عبقها لي خريفه=مابقى غير عيدان هجرها الرحيق
وكل رجل يبين فيه نبله وزيفه= واي شاعر يطبل له فلا..يبل ريق
كلمة الحق مثلي لومهم.. مايخيفه=من يبي العذب يبحث عن (علي بن زريق)((1))
وان دعاء لي مطوع في نزاهة خليفه=عني اكيد يفرج خالقي كل ضيق
رجلٍ حسن التواضع وضبه فيه ريفه=له رضا والدينه زاد نوضه بريق
فيه للجار حشمة رجل .. عينه كفيفه=وبه لشقاه عطف ود نعم الشقيق
واسع ابطان طاهر روح نفسه عفيفه=وفيه مايليق من ذكرٍ سوى مايليق
به خصال البراء وبه أمانة حذيفه=به دعابة صهيبٍ لا..أبي ..بن شريق
فيه عذب المعاني ليه مادبك واحيفه=لو تجرعت منها فوق ما لا أطيق
لابن وايل قصيدي بارقٍ لمع سيفه=راع عليا رويلي ..أي.. حرٍ ..طليق
فوق انه بشوش الوجه روحه نظيفه=قدوه الكل من ربه هداه الطريق
برجل شرواه قادر الف بيت اضيفه=فيه صخب القوافي وعرها مايعيق
ضيف بيت تحلوى رطب حبه مضيفه= يفتخر حين يصبح للمطوع صديق

((1))هو علي بن زريق البغدادي وكنيته ابوالحسن,شاعر مقل لا يذكر له مؤرخو الادب غير هذه القصيدة التي اشهرته واشتهر بها اكثر من بعض الشعراء,واصبحت مثلا,وقد قالها في زوجته وارسلها لها قبل ان يتوفى (وتسمى بالقصيده اليتيمه)