لالالالالالالالالالالالالالالا .. لا تـجي !!!

[خليل الشبرمي]

.

لاوالله الا .. لاتجي والعلم خذ علمٍ وكاد = حبك تلاشى وانتهى .. والافضل انك ماتعود
لالاتحاول مابقى .. بالقلب لك ذرة وداد = ياللي رحلت وكن مالي بالوجود اية وجود
ماينفع التسديد لافاتت مواعيد السداد = قطّع فواتير الوفا واحرق ملفات الوعود
ماهي علوم السندباد وشهريار وشهرزاد = ما للجحود اليوم عندي ياجحود الا الجحود
امشي على وضح النقا المجرود واحب الحياد = ولا اداني انصاف الحلول ابدن ولا اخون العهود
صابر على ضيم الدهر واجاهد ايامي جهاد = والعمر ينقص والليال السود ماتنقص تزود
من معركتْك ابنسحب واسحب جنودي والعتاد = الانسحاب احياناً ارحم من معاناة الصمود
ولايندمل جرح البياض اليا دنا منه السواد = ولاتطيب العله اللي بين بيض وبين سود
كنت اتبعك حافي قدم وامشي شوك وكداد = سلك الحرير يقودني ويسوقني ذعذاع نود
وتعبت انادي ياحياة الروح يا كل المراد = ومليت اقول اليوم والا باكر بوصلك تجود
انشد مجاهيم الليالي في ربيع وفي جماد = ياما علشانك سهرت الليل والعالم رقود
اسهر على ذكراك وعيوني مطاولها السهاد = وسهيل والويل وسواد الليل ياظالم شهود
صدك ذبحني والجفا قطّع معاليق الفؤاد = ياللي بتعذيبي تماديت وتجاوزت الحدود
حتي عصافير الوله فالصدر من جور البعاد = ماتت على هدف الضلوع اتردد الحان الخلود
وحتى الرسايل لاجتك من كبريائك والعناد = صارت جنايز والظروف اكفان ودروجك لحود
عذّبت قلبي واضطهدت الشوق بالهجر اضطهاد = لين الغلا مات ودفنته في جراهيد الصدود
لالا تبرر موقفك واعلن على الحب البعاد = وترى البكا ماينفع الميّت ولا لطم الخدود
الحب شوق وجاذبيه وانقياد بلا قياد = وصدق و وفا واخذ وعطا ماله حدود ولا قيود
وكلن على ما قيل يلقى مازرع يوم الحصاد = واكيد من من تزرع يمينه شوك ما يقطف ورود
واليوم لامنك بغيت العلم خذ علمٍ وكاد = حبك تلاشى وانتهى وان طعت شوري ماتعود

وسلامتكم

[ღنـــُــوٍْفٌღ]

::
:
الشاعر الكريم خليل الشبرمي

ترنم بالحرف اكثر م ـن رائع

وح ـضور شعري شاهق ..

صح نبضك
ودام ربيع ـك
:
كلّ التقدير!

:
::

[خليل الشبرمي]

كنت اتبعك حافي قدم وامشي على جمر وكداد = سلك الحرير يقودني ويسوقني ذعذاع نود

الخطأ المطبعي شرٌ لابد منه !!!

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[فهد الدباسي]

خليل الشبرمي


قصيدة رائعة جداً جداً


سـ أعود لك يا راقي

[جمال العتيبي]

خليل الشبرمي


اهلا بهذا الحظور المورف

صح لسانك يارائع ولا تكفي

تقديري لك

[خالد بن علي]

الله على هذا النص الراقي

حضور جدا مختلف ونص جدا مختلف

الله على نبضك الراقي

[عبدالله العويمر]

من معركتْك ابنسحب واسحب جنودي والعتاد
الانسحاب احياناً ارحم من معاناة الصمود




الجميل



خليل


مساء الشعر والورد





شاعر جميل





سلم حرفك






دمت بود

[محمد الفرحان]

.

.

ساعود يامبدع

[فيصل العمري]

صح لسانك ولاهنت

رائع واكثر من رائع

تحياتي لك