&&&... ثــالــث عيـــادي ...&&&

[محمد بن دحيلان]

السلام عليكم


متواضعه للتواصل



عسى الله يكتب لها قبول

















،،،
،،
،

لبيه ،، يا دم الشرايين ،، لبّيه = لبيّه ،، ياجوع المشاعر وزادي
لبيه ،، ياسيدالترف باشة التيه = العيد فـ اوصالك يا ثالث عيادي
انتي غرامك شي مدري شسميه = بس ادري انه صار نبض الفؤادي
القلب تحت أمرك ومتحكمه فيه = تسيّدي وسطه غلا يامرادي
وضميه ضمه كنها لاخذيته = امٍ تضم صغيرها بالايادي
وخليه لحظه ورجعي له وضميه = محتاج يدفى من صقيع البرادي
ولامن غفا تكفين خليه ،، خليه = على ذراعك يهتني بالرقادي
من راحته ،، ياراحته مايصحيه = غير الموادع لاطرى والبعادي
خليه غافي حلو الاحلام تسريه = وسري معي جو المواليف هادي
ولدي بوجهٍ جل ربٍ مسويه = سبحانه المعطي عليه اعتمادي
اللي كما بدر الدجا في مواريه = ويداعبه ليلٍ طغى بالسوادي
ليلٍ ليامن الهوى هب قافيه = قام يغشاني ريح عنبر وكادي
واحكي بصوتٍ خاثرٍ كل موحيه =اسرح معه واهيم في كل وادي
واقف على ثلجٍ غريمه يخاويه = واعلن خضوعي له وجيه انقيادي
واضيع ف السود المعاكيش واتيه = ضيعت وتر عود المغني عبادي
كوبليه رمش وللحجاجين كوبليه = ولصبي عينك بادي اليل بادي
خرسٍ هدبها ناعم الخد كاسيه = مثل السيوف المرهفات الحدادي
من صابته سلم ولا عاد يمديه = يذكر رسول الله ورب العبادي
وجسمٍ ليامنه انثنا كن تثنيه = غصنٍ يلاعبه الهوى بالحمادي
واليا مشا كنه يحسّب خطاويه = كنه غريب ديار تايه وغادي
مايلتفت للي وزانه يمشيه = تقول كن الناس حوله جمادي
فارق مثل فرق السما عن مواطيه = بالزين والاخلاق والحسن سادي
بدري على زين الصبايا يوازيه = لو يجتمع زين الحضر والبوادي
يضحك احجاجه كل ماجيت ناصيه = وانا اضحك بشوفة غلاي وودادي
هرجه يسليني وهرجي يسليه = وهرجٍ بغير لسان خلي دوادي
طيب وطيبه من عراقة ،، مجانيه = غالي ،، الأغلى منه عندي بلادي
الله عطانيّاه والله يخليه = ونا له اصفى من صفات (المهادي)
مادام يغليني وانا حيل مغليه = ماهمنا هرجت لسان المعادي
راسي سفه غيره لو انه يناديه = صوتٍ مهوب ابـ صوت خلي نكادي
دام الغلا مالك فؤادي وحاديه =بصد عن غيره واجيه امتحادي
احدٍ يفز القلب لا مر طاريه = وحدٍ يجي طاريه ويروح عادي
واحدٍ يناديني ولا كني اوحيه = واحدٍ اجي يمه بليا منادي
غصبٍ عليه لا توجّهة ناصيه = لانه غذى جوع المشاعر وزادي

،
،،
،،،
وسلامتكم


،

(المهادي) = قصّة القحطاني مع جاره مفرّج السبيعي



,

[طلال]

ابن دحيلان ...

صح لسانك واعتلا شانك


جميلة بجمال روحك

والاجمل بالنسبة لي

أني اول الحاضرين ...!


واضيع ف السود المعاكيش واتيه
ضيعت وتر عود المغني عبادي

كوبليه رمش وللحجاجين كوبليه
ولصبي عينك بادي اليل بادي

سلمت ودمت ....


بكل التقدير / طلال

[الغريبة شوق]

محمد

يسعد صباحك

وصح قلبك

رااائع وعذب

[محمد الفرحان]

.

.

رائعه لايكفيها مرور واحد

.

.

حتما" سيكون لي عوده ان شاء الله

.

.

[دواس البراهيم]

لبيه والله قوافيك يالغالي

صح لساااانك ولاهنت
يعطيك ربي العافيه

قاف وجزاله ومعاني فريده
لاعدمت احساسك يالغالي

ولاتحرمنا

تحيتي

[فهد الدباسي]

الجزل جداً / محمد بن دحيلان



نصٌ رائع و مليءٌ بـ المشاعر و نبض الأحاسيس


سـ أعود له بـ ما يليق به

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[جمال العتيبي]

محمد بن دحيلان


صح لسانك وكلك يامبدع


تقديري واحترامي

[التميميه]

احدٍ يفز القلب لا مر طاريه
وحدٍ يجي طاريه ويروح عادي
واحدٍ يناديني ولا كني اوحيه
واحدٍ اجي يمه بليا منادي


الله

وانا اشهد والله

صح لسانك ولاهنت

[ونين]

اخي محمد بن دحيلان السهلي

صح لسانك ملايين ولا يكفون و جاد بيانك

لا هنت ولا هان قلمك العذب

تحياتي

اختك ونين