*&(وين ساري ؟)&*

[عبد الرزاق خلف]

وين أنت ساري ؟ توّه الليل بدري = والفجر توّه أزرقه ما بعد بان
أقعد أبشكي لك همومٍ بصدري = ما جيت لك إلا وأنا حيل تعبان
سولف أبسرح في شواطيك وأسري = أنت البحر وأنا على الموج ربّان
ساعة تسولف أفقد الأرض حدري = مدري تلبّسني سوالفك جنحان
مدري أنا سوالفك حيل تغري = مدري أنا دايم لشوفتك ولهان
ماغبت عن بالي عشان إنت تطري = ودّي يجيني عن طواريك نسيان
ذنبي عشقتك بس أنا كان عذري = عشقٍ لغيرك صاحبه كان خسران
ولا همت بك ما يفقد الحب قدري = ومن ما يعرف الحب ما هو بإنسان
يمكن جرحتك لكن أكيد مدري = على العموم آسف إذا كنت غلطان