,,
مريت يم الباب والقلب شفقان
عيّت على نفسي ولا حدن درينا
ايوا نعم زعلان وبالحيل ولهان
وشعاد لو ان قالو اقلط علينا
انسى وكن ماشي صاير ولاكان
ادمح واطوي كل مابه مضينا
في خاطري عبره وانا حيل زعلان
وفي داخلي شوق الحنين الحنينا
بكييت افراح ٍ وفرحت الاحزان
وضحكت ناس ٍ كلهم باكيّينا
وحمامتي غنت معي اجمل الحان
واحساسها وافي ليامن بكينا
يكفي اكون بداخلي جملة انسان
نزعل والى منا نسينا نسينا
اي تحسبّني شاعر ٍ دون عنوان
في كل بيت ٍ بالعطايا خذينا
شاعر ولاعمري تسوّلت سلطان
ابكي مع ايتام وفقار المدينا
بغيت اخلي للشعر قاف ووزان
واقفل جميع ابحورها دون مينا
يالايمي عيني بها دمع واشجان
واصحابنا ماقد عليهم خطينا
ووجدي وجد الطفل لا اهل ووطان
اعمى العيون مقطعات ٍ يدينا
ناحل وله يومين والريق ضميان
وسط الفلا في ضلمة ٍ جادعينا
لاحيل به حتى نشف دمع الاعيان
مابين جن وكافر ٍ ما.يلينا
بالفطره اللي كلها دين وايمان
وعينه تناظر واحد ٍ راجيينا
يرجو رحيم ٍ باقي ٍ والبشر فان
موته قريب ٍ من يسار ويمينا
واول بداي الموت تذكار ماكان
من عقبها سكره وربك يعينا
ثم نزعت ٍ للروح من قوها شان
يالله دخيلك كل محنا خطينا
ذ1 وجدي اللي ماتوّجده وغدان
من كل هرج وطعنت ٍ تبتلينا .!!
,
أنت غير مسجل في منتديات منابع الأدبية . للتسجيل الرجاء إضغط هنـا
13-03-2007, 09:13 AM
ايوا نعم زعلان وبالحيل ولهان!!
فهد الماجدي 
العرض الشجري