((..............دم العرب..............))

[فلاح العجمي]

ان ماقطعت الدرب من بعد تفكير = ابقطعه وان طوقتني الجهاله
وابشر ولايهمك واذا بعكس السير = القطب الجنوبي والشمالي قباله
من وين ماوجّه كسبت التباشير = قطب الشعر شعري وفكري خياله
مدري وش اللي قدرته المقادير = لكن على الله كل صعبٍ سهاله
الطيب مايصلح على نافخ الكير = والصبر لايمكن يجاهد إلحاله
حنا عرب غيّره وعبره وتذكير = ماهمنا غزو الفضا والحثاله
للكايده قلنا عسى خير ياطير = نسقي العطش دم الفخر والشكاله
نخوه وفزعه مانعد المخاسير = واللي زبنا يبشر بماقد غدى له
دم العرب يجري من القلب للغير = انموت مانرضى بدمٍ بداله
قد خصنا الله بامر حكمه وتدبير = جُند وعبيد وعز دين وعداله
ياما رفعنا راية العز والخير = واكبر دليل المصطفى والرساله
سلم على سات العرب والمزامير = وقله يغني كيف ماهو بداله
اليا متى والسر في جمة البير = ياحيف ياوقت الخنا والعماله
نبقى عرب واللي يبي يصير بيصير = حتييش ياغزو الفضا والحثاله

[مشاعل ابراهيم]

أخي فلاح العجمي


الله الله عليك
ابيات رااائعه
وحضور مميز له بصمة فريدة
صح لسانك مدد بلا عدد
تحياتي لك

[محمد الفرحان]

.

.

شاعرنا

فلاح العجمي

.

.


صح لسانك

وصح قلبك

وصح كلك

على هذه القصيده الرائعه بروعة

حضورك وتواجدك . .

.

.

حضور جميل وقصيده تستحق

القراءه لأكثر من مره . . .

.

.

دمت بهذه الشاعريه . . .

.

.

تقبل فائق تقديري واحترامي

[بسـام بن عبدالعزيـز]

فلاااح



بيض الله وجهك

عز الله لقيت بهالقصيده ما يرضي غروري

لا عدمناك



احترامي

[أكرم التلاوي]

الأخ الكريم فلاح العجمي

الف صح لسانك ولا هنت

قصيده تعرض لنا آفه من آفات أمتنا

وتبين مدى تغلغل الغزو الفكري الذي تحمله الفضائيات

لا هنت على هذه النقيه

دمت بكل الود وفي انتظار جديدك

.
.

شاعرنا الرائع



فلاح العجمي

.
.


قصيدة رائعة وشامخة

صح إحساسك ونبضك

ونبع فكرك الذي لاينضب


كل الود لك





إيمان

[سحر المسا]

فلاح العجمي

صح لسانك

قصيده رائعه

لاهنت

[فيصل العمري]

صح لســــانك..ولاهنت

تقبل مني كل الود

[مزون المحمد]

مدري وش اللي قدرتـه المقاديـر
لكن على الله كل صعـبٍ سهالـه

الطيب مايصلح على نافـخ الكيـر
والصبر لايمكـن يجاهـد إلحالـه


فلاح العجمي

صح الله لسانك على إبداعك

ولاهنت وعسى الله يرحم حالنا ويبدله بأحسن حال

لاهنت مرة أخرى

[فهد الدباسي]

فلاح العجمي



حضورك غالي علينا و يسعدنا جداً



نص جميل و حبك ليس غريباً عليك


صح لسانك و لاهنت

تقبل تحياتي