رساله الى قلوبكم

[ياسر سعود]

راكب اللي لاتعلت تسبق الصوت بثواني=مايلهّي من ركبها كود تقليب الجريده
لاتواست في سماها ماتشاهد بالعياني=دربها مرسوم خطه لاتزل ولاتحيده
ماترّيح للوقود ولاتبي شد العناني=قبل ماتربط حزامك قالوا الرحله سعيده
تاصل الصاحب مبارك قبل اوقف من مكاني=قبل مايثني سلامه ياصل المكتوب بيده
صاحبٍ من طيب ذاته لانسيت ولانساني=لاتبعدنا الظروف ولاتفرقنا البعيده
اذخره لاجاء لزومي او تحداني زماني=وادري انه في مكانه والصعيبه ماتكيده
بانشده واخذ علومه والمعاني بالمثاني=والنوايا في عروق القلب والا في وريده
كيف ابااعرف من صدقني وان نصحته ماعصاني=وقفته لامن بغيته عادةٍ ماهي جديده
من بغا الحاجه عنا لك قام يحلف باليماني=والكلام يضيع سوقه لاتحدتك العنيده
لابغيته في لزومك صار وجهه وجه ثاني=يوم شوفك من جهنم والفراق ايام عيده
والبشر واجد وحنا نسمع هروج اللساني=والله اعلم عن رمادٍ تحته النار الوقيده
من قصر رفعة جداره لايقول الله بلاني=ينخل القمح وسماجه لين يصفى له حصيده
من يطيع النفس مره تطمع بدرب الهواني=طاعة النفس بهواها عكس الاشوار السديده
والمكاسب بالقناعه والخساره بالرهاني=والطمع عاده وطبع لحرس المال وعبيده
والعمر ساعه ويقضي وغير وجه الله فاني=وكلن يحصل طريقه بالنهايه من رصيده
والبشر تذكر فلان بن فلان بن فلاني=مايحصل غير ذكره سيرة اسمه تستعيده
والسفينه في بحرها ماتريد الا المواني=وانت ربان السفينه كان راحت به شريده
وانت من عندك تجيب الواحده مثل الثماني=وتعرف الخطوه وش اللي من وراها تستفيده
واختم القول بكلامٍ اطيب من الزعفراني=عد مالاحت بروق المزن يقفاها رعيده
من سمعني به يصلي يكسب بلفظه حساني=على نبي الله محمد بشر ووصل وعيده

[فيصل العمري]

صح لسانك على هذه الرائعه

ولا هنت يالغالي

[مانع العتيبي]

اللهم صلي على محمد



صح لساانك يا الذيب



ولا هنت

[( حايره )]

ياااااااسر

أهلاً بحضورك بعد غياب

أهلاً بقصيدك بعد جفاف

كيف ابااعرف من صدقني وان نصحته ماعصاني
وقفتـه لامـن بغيتـه عـادةٍ ماهـي جـديـده
من بغا الحاجه عنا لـك قـام يحلـف باليمانـي
والكـلام يضيـع سوقـه لاتحـدتـك العنـيـده
لابغيته في لزومك صـار وجهـه وجـه ثانـي
يوم شوفـك مـن جهنـم والفـراق ايـام عيـده

أبيات لم أجد سوى التصفيق والإعجاب لها

أبيات وصفت حالنا وحال من يدعّون الصداقة

لكن عندما نحتاج لهم يهربون دون رجعة


ألف ألف صح لسانك

ولا هنت

[مشاعل ابراهيم]

أخي ياسر سعود




الله الله عليك
ابداع في ابداع
فـــــ لله درك ولا هنت
وصح لسانك مليوون واعتلى شانك على هذه القصيدة الرائعه
التي عانقت السحاب بروعتها وجمالها
تحياتي لك ولقلمك الراااائع

[عبدالمجيدالعنزي]

صح لسااااااااااااااااااانـــــك ولاهنـــــــــــــــــت ..........

.
.

على مااااااااااااورد اعلاااااااااااااااه ...



.

تقبــــــــل مررررررروررري .........

[مزون المحمد]

ياسر سعود


قصيدة جميلة .. صح لسانك


ولاهنت

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

شاعرنا الراقي





ياسر سعود


.
.




مرحبا بك بعد غيبة أستاذي

نص راقي وجميل وغارق

بكل معاني الجمال قصيدة

شامخة بشموخ حضورك




كل الود لك



إيمان

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع