أصعب سؤال

[فهد حمود الراشد]

أصعب سؤال إن سولفوا قالوا شفيه=معاد له طاري على بالك اليوم
وأول معك من وين مارحت طاريه=حتى عيونك حاربت لذة النوم
مدري شقول ومدري اللي أخفّيه=والبال من كثر التفاكير مزحوم
في خاطري شيٍ ولا ودي أحكيه=أخاف من كثر المشاريه واللوم
حاولت أبا أنسى مير ماني بـ ناسيه=حيث إن لي مبدأ وعادات وسلوم
شخصٍ بقلبي كنت بالحيل مغليه=وأبطيت حبه داخل القلب مرسوم
حبه سكن فالقلب بأقصى محانيه=ومن سبته جاني هواجيس وهموم
ياكثر مايخطي وانا كنت أداريه= وأنسى خطاه وزلّته تندمح دوم
واليوم بانت لي حقايق خطاويه=بيّن رداه وبانت علوم وعلوم
ماعاد لي رغبه ولا خاطرٍ فيه=وفي عشرته والله ماني بـ ملزوم
خلاص قلبي كل ماجاه يكفيه=يكفي من الغالين طعنات وسهوم
وأصعب سؤال إن قالوا الناس وش فيه=معاد له طاري على بالك اليوم

[ناصر الشعلان]

الغالي فهد حمود
قصيده جميله جدا
سعدة بقرائتها صح لسانك
تحياتي

[( حايره )]

نص غارق في العذوبة والعذاب

نص وضعنا في مسرح المعاناة

لنتعايش مع الحدث لحظة بلحظه

من بداية الحب إلى لحظات النهاية


فهد الراشد

ألف ألف صح لسانك

ولا هنت

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[علي عبدالرحمن الأسمري]

فهد الراشد
صح لسانك ياغالي
وتسلم يمناك

دمت بالف خير

[شيهانة]

[مزون المحمد]

فهد حمود


حضور جميل أسعدتنا به


صح لسانك ولاهنت


دمت رائعاً

[فهد الدباسي]

فهد الراشد


جميلٌ هذا التصوير و رائع


استمتعتُ كثيراً بـ قراءتي هذا النص اللافت



صح لسانك و لاهنت

تقبل تحياتي

[محمد الناصر]

نص مليءٌ بالشجن و الروعة

..
قراءته تسر القلب و تسعده

..


فهد الراشد


لاهنت

[مشاعل ابراهيم]

أخي فهد



الله الله عليك ولا هنت
قصيدة في قمة الروعه من شاعر ولا اروع
صح لسانك وسلم بنانك على هذه القصيدة الرائعه
التي بروعه حضورك ورقة تواجدك
دمت بألف خير