مصافحتي الأولى لمنابع الأدبية

[بدر بن محمد]

دقـت بلحظـات صمـت فـي مســاي= والقمـر ظـاهر ولا هــوب محجــوب
قـالت ان الـرقـم غلـطه مـن خطاي= لكــن انـت اللـي ابـي قلبـه رحـــوب
قلت يابـنت انتهـى هـرجـك معــاي = دام طبعـــي الحـلـم لكنــي غضــوب
مـرسل النعاق يكفـخ فـي سمـاي = بشــريـه بــــرد للخـــافـق لهـــوب
قـالت الظـاهـر تشكـك فـي نـــواي =مـا أرد العـلـم لــو شــبوا شــبــوب
قلت رديـه وتــرانـي عـن ســـواي =مـيزتي والــله ثــابـت مـــا ألــــوب
إي نعم عارف ولا احتـاجه ذكـاي = عنــدك الكـذبــات عـن كـذبه تنـوب
يـا أميرة أو عفــاف أنـتي معـــاي = إن حـبـل الكــذب يقطــع بالكـــذوب
كلمـــا قلت انـتـهــى قــالـت وراي= من عرف دربي نسى باقي الدروب
كـــان عثــراتـه تـســببها خــطـاي= فاعــرف انـه ماشي ودربه جنـوب
فـي حضن ابـها ربـيت ومبتغـــاي = كـــل هـالـعالــم بــكلمـاتــي تــذوب
كم غرير(ن) ضاع والسبه هـواي =ارمـــي النــظرات وتـلبي القلــوب
تـدري ان اشناب تاهت من حـــلاي= وان عــاقـلـهم أبـيـن بــه عيــــوب
من بغـى وصـلي تعـذب مـن جفاي= ومن بغيته صار في حبي مغصوب
والله انــك غيـر ياشمـعة هنـــاي= ســارقن عقلــي وانـا بــنت لعــوب
يـا ولـــد تكفــى تــبين لــي غـــلاي= كـم ذبـحني الصـد ياعـون مـغلـوب
قلت يابـنت الهــــوى سبــة بــــلاي= حـيث خلـي حـيل رايـق ومـحبـوب
بالحلال اروى ظمـى قلبي وظمـاي = فـي وسـط قلبـي تـرى حبه يجـوب
نـور عمـري نـور قلبي هـو دفــاي= لا بــرد وقــتي وإلى زاد الـهـبــوب
قاضي(ن) وقته يرى عيني رضاي= كنــه الـوابـل مـن العـالي صبــوب
عـذب كلماتـه غــدى نهـلي ودواي= مـربع(ن) روحي فالايـام الجـدوب
مـكتسي بالصبـر ومسـايـر عنـــاي = لا طعــن نـاب الدهـر حـظ معيـوب
حـــزة التقصيـر هـو قايـد لـــــواي=يـشهــد الـرحـمان عــلام الغيــوب
ديـنه اللــي زاد فـي قلبـي وفـــــاي =صـافي(ن) كـله وانـا كـلي عيـوب
مـبتدا أمـــري وآخـــر مـنتهـــــاي = مـع حلالي في الهوى قلبي طروب
انصحك والنصح من طبعي ورؤاي=مثـلك انتـى ليـت عـن دربـه يتـوب
انتهـي يابـاحثـه باقصـى خفـــــاي= زايـده بالنقـص والوقـت مـحسوب
اعلمي يابـنت انـا راضـي بقضـاي=مـن بغـى الجنـه تـرك عنه الذنوب
هـو أمـل رحـمه يبـارك لي فضـاي = وانتي عندي ذنب ماله أي وجـوب

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[مشاعل ابراهيم]

أخي بدر بن محمد








الله الله عليك مصااافحة ولا اروع من شاعر رائع










ألف صح لسااانك على هذه القصيدة الرائعه










التي بروعه حضورك ورقة تواجدك











دمت بألف خير

[بسـام بن عبدالعزيـز]

بدر بن محمد



يا هلا والله ومرحبـا

أبرك الساعات تواجدك معنـا

وزادت منابعنـا عذوبة بإنضمامك يالغالي

وصح لسانك مليون على هالحروف

لا خلا ولا عدم



احترامي

[محمد الفرحان]

.

.

شاعرنا

بدر بن محمد

.

.

اهلا وسهلا بك وحياك الله معنا / بيننا /

بعيوننا / بمنابع الأدبية وأنت صاحب الدار

وكلنا ضيوفك . .

و

صح لسانك ويسلم بنانك على هذه المعزوفه

الرائعه بروعة حضورك وتواجدك. .

.

.

رائعه كان لي شرف معانقتها والتواجد بهذا

المتصفح . . .

.

.

تقبل فائق تقديري واحترامي

شاعرنا المبدع




بدر بن محمد


هلا وغلا نورت المنابع


بحضورك الراقي جدا



نص راقي وقصيدة جميلة


صح احساسك ونبضك



مودتي وتقديري



إيمان

[مشعي بن بريكان]

الشاعر المبدع
بدر بن محمد

قمة السلاسة وقمة الروعة


صح السانك

تقبل تحياتي

[( حايره )]

بدر بن محمد

أهلاص بك في المنابع


أهلاً بحروفك التي عانقت أنظارنا

حروف أستطاعت أن تجعلنا نقرأ عدة مرات


ألف صح لسانك

ولا هنت

[فهد الدباسي]

بدر بن محمد



مرحباً بك و بـ هذا النص الذي نتشرفُ به و بك


نصٌ متميز و يجعلنا نفخرُ بك و بـ تواجدك معنا هنا



صح لسانك و لاهنت

تقبل تحياتي

[فيصل العمري]

بيض الله وجهك

وصح السانك

تحياتي