على جال الزمان

[نايف المقاطي]

الأخوة والأخوات في منتديات منابع الأدبية


آخر فوح الهواجيس

أتمنى قبولة

على جال الزمان اللي تحامل فيّ واشقاني=جلست أسايل النفس الشقيه ويش مشقيها
وتهت بغبة بحور الهموم وبحر الأحزاني=وزاد الهم هم ولا لقيت اللي يداويها
ولاني بالش بثورة هموم النفس من داني=ليامنه تشاوى هم ثوّر هم يعميها
وجيت الملم جروحي ولا ماعاد يمداني=تسايقتلي هجوسي وقامتلي تضويها
سرى ليلي وانا معها وكلٍ يتهم الثاني=تجادلني واجادلها من اولها لتاليها
ولابه واحدٍ منا معه حجة وبرهاني=ماغير نبادل التهمة وترميني وانا ارميها
وهذا حالنا يالين حان المذّن الثاني=صدح صوته ينادي للصلاة وخير مافيها
وعذت الله من الشاطان واخسى كل شاطاني=ولبت للندا نفسي ونسيت مايعنيها
وجيته مقبلٍ يمه وخوفي منه يحداني=جليسي سجل ذنوبي ونفسي قدم واليها
طلبته من سخا فضله من النيران ياقاني=ونفسي لايعذبها بنار يهول صاليها
وهلت دمعتي رهبة واحس بشي جواني=عجزت احدد ابعادة ولاني قادر ارويها
ولكن الصحيح اني هديت وهاد ماجاني=واحس بداخلي نشوة فرح ماكنت هاقيها
سبحان مفرج الكربة وتوبة قلب ولساني=لكون العابد المخلص يالين الروح ينهيها

غيمار

[مشاعل ابراهيم]

اخي نــــايف المقاطي






ألف صح لسانك على هذه القصيدة الرائعه





دمت بألف خير

[خالد ماطر]

جزل يانايف


وصح لسانك بهذه الوافيه

ودمت بالف خير ايها الرائع

[محمد الفرحان]

.

.

شاعرنا

نايف المقاطي

( غيمار )

.

.

صح لسانك وعلا شانك على هذه الرائعه

بروعة مبدعها . .

.

.

سلمت وسلم نبضك واحساسك ودمت مبدعا"

بكل حالاتك . . .

.

.


لاعدمنا تواصلك . . . .

.

.

تقبل فائق تقديري واحترامي

[بسـام بن عبدالعزيـز]

نايف

سبحان مفرج الكربة وتوبة قلب ولسانـي=لكون العابد المخلص يالين الروح ينهيهـا

صح لسانك

والله يثبتك

لا عدمناك يالغالي



احترامي

[مزون المحمد]

وهذا حالنا ياليـن حـان المـذّن الثانـي
صدح صوته ينادي للصلاة وخيـر مافيهـا
وعذت الله من الشاطان واخسى كل شاطاني
ولبـت للنـدا نفسـي ونسيـت مايعنيهـا
وجيته مقبلٍ يمه وخوفـي منـه يحدانـي
جليسي سجل ذنوبي ونفسي قـدم واليهـا
طلبته من سخا فضله من النيـران ياقانـي
ونفسي لايعذبهـا بنـار يهـول صاليهـا
وهلت دمعتي رهبة واحس بشـي جوانـي
عجزت احدد ابعادة ولانـي قـادر ارويهـا
ولكن الصحيح اني هديت وهـاد ماجانـي
واحس بداخلي نشوة فرح ماكنـت هاقيهـا
سبحان مفرج الكربة وتوبة قلب ولسانـي
لكون العابد المخلص يالين الروح ينهيهـا



الله عليك ..


روحانية رائعة نفتقدها في كثير من قصائد اليوم


غيمار


صح لسانك .. ولاهان هذا الحرف الراقي


شرفنا هذا التواصل الجميل


لاهنت

[قديم الشوق]

أخي الغالي / نايف المقاطي ..

صح لسانك على هذه القصيدة الباسقة

وعلى هذه المشاعر الأكثر من رائعة

إبداع غير مستغرب من شاعر قدير

شكرا ً لك من الأعماق

وتقبل خالص تحياتي

أخوك / قديم الشوق

[فيصل العمري]

صح لساااانك وسلم الله قلبك

لله درك ..

سجل اعجابي

[( حايره )]

وقفة روحانية جميلة

فيها مناجاة لخالق هذا الكون

وفيها إجابة من العزيز القدير

بتفريج الكربة وإزالة الهم


غيمااااار

شهادتنا فيك مجروحه

ووقوفنا أمام قصائدك فقط للإستمتاااااع

ألف الف صح لسانك

ولا هنت

[حماد القريني]

صح لسانك وجاد نظمك

لاهنت ولاهان راسك

تحياااتي