==== الســـــــبع العــــــــجايب ====

[عبدالله بن راجس]

كل عام وانتم بخير ولكم الجديد

فاقد الشي مايعطيه ياغلا الحبايب= جعل غيرك بعيد وجعل شخصك قريب
والله انك بعيد وعندي ادنى القرايب= ليت مابيني وبينك رقيب وحسيب
انت عندي شريك الروح حاظر وغايب= دمعتِ ماتجف وخاطرِ مايطيب
المقدر نصيب وكلشِ له سبايب= وكل شين يهون الا فراق الحبيب
لاتذكرة سودِ وسطها الكحل ذايب= قلت ياوجد حالي فيك مالي نصيب
كل شين غريبِ في زمان الغرايب=لوبناديك حلم وعلم مامن مجيب
كود طيفك يجي مع ساريات الهبايب= واتلقاه بحلامي بصدرِ رحيب
لقبل الليل تكسيني بسود الذوايب= ولقبل الصبح فمحياك مالي طليب
انتي الثامنه في كون سبع العجايب = في سماء دنيتي بدرِ حشى مايغيب
كل حظِ يقصر منك مفلس وخايب= مايلد السعاده كود ذنبِ قطيب
كان فرقاك ذنب( انا من الذنب تايب = يا الاهي تغفر الذنب يامستجيب
نزعة الروح حتماااا من كبار المصايب=وانت روحي ولامن غبة روحي تغيب
انت عندي ربيع العمر في عين شايب= كل مايذكر اللي فات ينحب نحيب
اذكريني على الدنيا وحدر النصايب = دمعتِ ماتجف وخاطرِ مايطيب

وســـــــلامـــــتكم

[حمد الأسمري]

الله الله الله

يابن راجس

اتمنى يكون شرف المصافحة الأولى لي


الله لا يهينك على هالدرة الرائعة


تقبل مني وافر التحية

سلمت وسلم قلمك النقي

[حمد فرحان]

عبدالله بن راجس

أبت الكلمات إلا أن تتربع هنا وتبوح بكل مايدور بخوالجك من شوق وحب

صور الإبداع حاضره وبرونق جميل بإسلوب السهل الممتنع

لا عدمناك ولا عدمنا تواجدك

فائق تحياتي

[( حايره )]

عبد الله بن راجس

كنا بإنتظار ( العيدية ) منك

فلم تخيب أملنا وإنتظارنا

وهاهي القصيدة ( العيدية ) تتربع على صفحات المنابع


ألف ألف صح لسانك

ولا هنت

[مزون المحمد]

عبدالله بن راجس


حرف رائع اسعدنا تواجده


صح لسانك ولاهنت


دمت بألف خير

[أمايا]

ما شاء الله

ابدعت اخي الكريم

الله يعطيك العافية..

[بسـام بن عبدالعزيـز]

عبدالله



صح لسانك

ولا هان نظمك

وكل العمر وإنت بخيـر



احترامي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[مشاعل ابراهيم]

الشاعر الرائع((عبدالله بن راجس))






ألف صح لسانك على هذه الرائعه





التي بروعه حضورك ورقة تواجدك





دمت بألف خير

[محمد الفرحان]

.

.

شاعرنا

عبدالله بن راجس

.

.

صح لسانك مدد بلاعدد

وسلمت وسلم نبضك واحساسك

على ماأتحفتنا به من رائع الحروف

وبديع القوافي . .

.

.

سجل متابعتي الدائمه . . .

.

.

تقبل فائق تقديري واحترامي