كرسي ومكتب

[جورج الشوملي]

يا سلام

ما أجمل الاحلام

بتعيشك بقصر

وانت عايش بكوخ حيران

حلمي انا وصغير

اشتغل على مكتب

اكون قاعد بكرسي

وقدامي مكتب

مرتاح لا بتحرك ولا بتزحزح

الى على الحمام

وشغل اصدر اوامر

واكون انا الرئيس لا المرؤوس

ولما اكبرت

حاولت وفشلت بالدراسه

ووجدت الحلم ضاع

وصرت اعيش يوميات

عامل بهالشركات

سئلت صديق قلي

قعدت المكاتب بتمرض

وجع راس ومسؤوليات

ودسكات وخمول

ومرات ضغط لابو موزه

شو بدك بالكلام الفاضي

خليك عامل مسؤلياتك قليله

وشغلك في حركه

والحركه بركه يا معلم

وبخف كرشك

وبسير بجنن

وبتسير نشيط

قلت يا زلمه

كلامك جميل وصحيح

بس

ليش المسؤال بضحك عالشعب

بقول عنا قله من العماله الوطنيه

طب بشرفك راتب العامل

بصرف على بيت

بدك تشجع العمل والطبقه العامله

يا اخي ارفعوا راتب العامل

عشان يكون مرتاح

قادر يصرف على بيت

بدون ما يحتاج أنوا مرته تشتغل

ساعتها بكون باله مرتاح

بقدم كل ما عنده لشركته ولوطنه

مش شالين بخت العامل

وضاغطينه بالشغل

ومش عاجبك روح

بجيب عشره بدالك

وطالب منه انوا يكون سعيد بعمله

ويقدم كل ما عنده

وكمان لسه بتحكي

ليش عنا قله في العمال

في دول عدد سكانها كبير

بتقدم موطينها هجره

وحتى كمان بشتغلوا عمال

بس بالمقابل بجيب دخل لعيلته

وببني بيت بتزوج

بس مش وضع منطقي

ايكون ابن البلد

خص نص اللي بشتغل عامل

واي وظيفه بسيطه

مش قادر إامن اساسيات الحياه

وهو البيت الملك والزواج

و اللي بقهرك في ناس بتتغشمن

وبقلك ليش الشباب

بطولوا في الزواج

ضروف الحياه يا اخي صعبه

الصار اللي بدوا يعمل عيله

يحسب الف احساب

هل بقدر اعيش حالي

ومرتي وعيالي

بشكل مليح

ولا رح اسير ادين

وبعدين معيش مصاري

وانحبس ويسير علي قيود

وسير سوابق

وطبعا المجتمع ما برحم

بدوا سولافه على الواحد

اضل يعلك فيها

فقله الحكي احسن

كلشي يا اخي مفهوم ومعروف

سكت قلي صحيح

لازم يكون في حل جذري

و يا اخي الله بعين