بدون عنوان؟؟؟؟؟؟؟؟؟؟؟؟؟؟؟

[محمد ال عبدان]

في البدايه العذر و السموحه عن قل التواصل و و الله إنها عن ظروف خارجه عن الإراده




هذي مشاركه لعل و عسى تشفع لي عندكم

يا فوادي لا تضـدك صواديـف الدهـور=الصعيبـه قـف لهـا و البسيطـه خلهـا
ما يوقف لا ابتلت كـون رجـال صبـور=كـل مـا زادت عقدهـا يجيـك يحلهـا
الليالي ما عـرف سدهـا كـل مغـرور=إن صفى له بعضها ما صفـى لـه كلهـا
و الرجال أشكال و الله يعلـم بالصـدور=عالـم دق الخفـايـا و يعـلـم جلـهـا
الليالي و إن غزتنـي و جتنـي بالدبـور=ناصيتنـي بالشقـا و السيـوف تسلـهـا
قلت يا الله يـا كريـم بعبـده مـا يبـور=كان نفسي همّلـت يـا إلهـي مـن لهـا
و الله إني من رجال لهم في الضيـق دور=لابـة يـوم الشدايـد يظـلـل ظلـهـا
و و الله إني من رجال لهم في الشور شور=تعتزي لأكبـر مصيبـه و تعـزم ذلهـا
و و الله إن الهم متسيـد قـد لـه شهـور=السرايـر باحهـا و الضمايـر علـهـا
من فقد خوة عريـب مسمّـى و مخبـور=وش دواه وعلتـه فـالضميـر يشلـهـا
يا رفيقي و الجفا بيـن وافيـن الشبـور=عيب و لا العيب فـي جفوتـك يـا قلهـا
فرّق أهل الكير يا صاحبي و أهل البخور=و شوف فرق أصابعك يا فتى و افطن لها
و الله إني خابر ما حصل منـي قصـور=خذ وفا ولاّ الرديه تـرى مـا حـن لهـا
مـا مشـى بالنمّـه إلا ردي و معـثـور=كيف تسمع هـرج نـاس خبيـث دلهـا
من بنى بيت الردى جعل ما هو بمعمـور=قلـت لـه يـا علهـا للهدم يـا علـهـا
و من بغاني له رفيق على الشده جسـور=لا يقصر في حقوقـي لمـا جـاء حلهـا
و هو أجي له شوف عينه بصلفات الأمور=محزمه في يـوم تجفـى الأخلـه خلهـا
الحصان إليـا عثـر لا تهيّبـه العثـور=يعتنز مـن عقبهـا فـي دروبـه كلهـا
و السلام ختام ما داجت أفـلاك البحـور=و الفضـل للـي يغفـر لعبـاده زلـهـا

ملاحظه / القصيده ستنشر في مجلة روافد

[نواف السعدوني]

محمد


ياهلا ويامرحبا فيك





يسلم راسك على هالكلمااات


صح السانك واعتلى شانك ولاهنت


تحيتي لك


السعدوني

[مـــــلاذ]

محمد ..


مشاءالله تبارك الله


تواجد راقي و نص عظيم


دمت بهذا الإبداع

محمد ال عبدان


صح احساسك ولسانك


قصيدة رائعه جدا

ولاهنت مدد بلاعدد


نغم

[حماد القريني]

صح لسانك وجاد نظمك

لاهنت ولاهان راسك

تحياااتي

[رنين الماس]

قصيدة رائعة


يسلموووووووو على الروعه


والنص الراقى جدا


صح لسانك واحساسك


رنين

[الغــرام]

الشاعر محمد العبدان

قصيده رائعه من شاعر اروع


صح لسانك ولاهنت

تقبل منى اجمل تحيه


الغرام

[/QUOTE]

[فيصل العمري]

صح لسانك ولاهنت

رائع واكثر من رائع

تحياتي لك

[محمد الفرحان]

.

.

شاعرنا

محمد ال عبدان

بل عنوانها الابداع والتميز والشاعرية

.

.

صح لسانك

وسلم بنانك

وعلا شانك

على مااتحفتنا به من رائع الحروف

وبديع الكلمات . .

.

.

سلمت على هذا الابداع وهذا

الامتاع . . .

.

.

تقبل فائق تقديري واحترامي

[عبدالعزيز عبدالله]

قصيده طيبه


صح الله لسانك


أجمل تحية