شفت الزمن ؟؟

[مشاري بن جلوي]

السلام عليكم هذي مشاركه بسيطه اتمنا ان تنال الرضى

الوقت لقفى حبيبي صعب مرجاعه=لوتدفع المال كله ماش ترجيعه
وانا تراني سوات الوقت بطباعه=لاقفيت مرجع لخلن حل توديعه
ادري وعرف الليالي حيل خداعه=بعد الموده غرامك حل تشييعه
شفنا من الناس يوم الناس قطاعه=وناصل ولافاد زاد اليوم تقطيعه
شرع الهوى لك يجي بسمع وطاعه=وغيرك من البيض لا والله ماطيعه
اول وطيفك مرافقني على الساعه=واليوم ياسهل نسيانه وتضييعه
ماقلتلك لا تحسب العين ملتاعه=وماقلتلك مايفيد الحكي تلميعه
شفت الزمن يكشف الخوان وقناعه=ويسنع اللي عجز غيره بتسنيعه
ماكل شخص ٍ يموت ويشكي اوجاعه=ولاكل ذهنن تشتت سهل تجميعه
ولا كل درب ٍ دخلته شفت مطلاعه=ولا كل شي ٍ ملكته تقدر اتبيعه
خذها تعلم مدام القاف في قاعه=وشفها بشعري وفي خطي وتوقيعه
لاتحسب القلب لك صيفه ومرباعه=قلبي هفى عنك صعب اليوم تقنيعه