لو كان همي ينشرا ,,, لبيع لطفل ويشيب

[عبدالله العصيمي]

اخواني واخواتي اضع بين يديكم هذه المساجله الشعريه

وهي عباره عن قصيده وصلتني من احد الطالبات بجامعه الملك سعود

وهي تشكي من تعقد موضوع لها في الجامعه وهي تقول

حبري جرى بليل سرى = وابدى مغاليق الصويب
ياسائلي عن ما جرى = اسأل وتلقاني مجيب
واحذر دموعك تنثرى = احذر ترى جرحي صعيب
في القلب جرحٍ ما برى = ولا ظنتي جرحي يطيب
لو كان عظمٍ يكسرا = يجبر ونلقى له طبيب
لكن جرحي يكبرا = ماشفت مثلي به صويب
صككت بيبان الورى = وامسيت في قلبي لهيب
همي عدد نبت الثرى = واعداد ما وبله يصيب
هم بقلبي عسكرا = هم يشل المستطيب
لو كان همي ينشرى = لبيع للطفل ويشيب
واهدي لمن فوق الثرى = ومعارفي وحتى الغريب
ولأهل المدن واهل القرى = ويزود والقى لي نصيب
يا هل ترى من فالورى = بيكون لجروحي طبيب

وكان ردي لها بعد ان اعانني الله على انهاء موضوعها

فكري سرى من ما قرا = للي شكا له يستجيب
غيم سمايه وامطرا = قاف ٍعلى معنىً عجيب
ياللي ضميرك يسعرا = من ما جرا لك به لهيب
جاك الجواب معطرا = من شاعرٍ فطنٍ أديب
نظم الدرر و الجوهرا = يبري فؤادٍ مستصيب
ورياض قلبك تزهرا = فيها الزهر يزداد طيب
وجروح قلبك تصغرا = حتى تلاشى عن قريب
ويطيب لك نوم الكرا = وحالك من الشكوا يطيب
كفكف دموع المحجرا = ما عاد به دمعٍ صبيب
حنا هل النخوه ترى = عاداتنا شيمه وطيب
من زارنا يلقا الذرا = واللي دعانا له نجيب
واللي نصانا يبشرا = دامه نصانا ما يخيب
واللي تبين ميسرا = والله على قولي رقيب

ارجو ان تنال شي من رضاكم واستحسانكم


اخوكم عبدالله العصيمي

[فهد الدباسي]

عبدالله العصيمي



الرجل المعطاء و منبع الوفاء


لاهنت على حل مشكلتها


لازلت أقرأ النص بـ تمعن


سـ أعود لـ أحضر بـ حجم الصفحة

[التميميه]

عبدالله العصيمي

وربي دايم غير

ابداع يفوق الوصف

في متصفحك اجد للشعر لذه

لله درك

ومهما كتبت صدقني

امام حروفك القلم مكبل

ولا اظن بان هذه القيود ستحل قريبا

[محمد الفرحان]

.

.

سأعود يامبدع

.

.

[جمال العتيبي]

عبدالله العصيمي

صح لسانك ولسان القايله

رائعه بكل معنى الكلمه


لك تقديري

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[ونين]

اخي عبدالله العصيمي

صح لسانك و سلم بنانك و جاد بيانك

امتعتنا بهذه المعزوفة الرائعة والتي بروعة حضورك و تواجدك

تقبل خالص تحياتي

اختك ونين

[إنكسارات النخيل]

عبدالله العصيمي

شاعر بروعة حضورك

دائما يكون

تواجده ممتعا

دمت بهذا التوهج

أخي الكريم

[عويد المغيليث]

اخي عبدالله العصيمي

صح لسانك و سلم بنانك و جاد بيانك

امتعتنا بهذه المعزوفة الرائعة والتي بروعة حضورك و تواجدك

تقبل خالص تحياتي

اخوك المغيليث

[مزون المحمد]

.
.

حضور أول

ولي عودة

.
.