حضور أول 00 ][ فـي حـدود الإسـتـفـاقـة ][

[أخت من طاع الله]

أحترت عندما وددت مُصافحة قلوبكم
أي القصائد سترتقي لتصل لـ ذائقتكم الراقية
فلم أجد مايليق بكم الإ الجديد
مع أنها جداً متواضعه

../

دمتم بإنابة ووعي ..
للجدير بالإجابة إن دُعي..

..
مع خالص شكري لمن سيشاركني
الإفاقة على هذه الحدود../

..

إستدار الخوف منـّـي ..في رحاي المرجهنّي=وإعتلى صهو إنكساري ومالت عذوق القصيد
إنتباهي.. يا إلاهي ..كنّه الصارم وكنّي=في حدود الإستفاقه بين شذراته طريد
في فضا الغفلات ناخت غفلتي وإزداد خنّي=طاح طوع إشداد ذنبا ً موثق العروه شديد
وجد روحي وجد منهو واجدا ً بالبيد جنّي=في غسق جنح الليالي شاب والطرقه بعيد
أو وجود اللي كسيرا ً من علوّ أكوارهنّي=فاهقا ً عنه العماس وطاح من حظاً قريد
لا أونس جزوع الجباير إدّرج ثم ونّ ونّي=لاشكى.. مايستفيد.. ولابكى ..قامت تزيد
إن ذكرت الموت يالله جيش عبراتي غزنّي=وإستثار إجموعهنّه جملة الحس البليد
قمت أفكر فـ .. المنايا وفـ .. مصيري لاوطنّي=بان صفق إرهافهنّ المشتقــّـي امن السعيد
عند أهل صلف التروس اللي من الفضلى نقنّي=وقتها البرج المِشـِـيد يصير كـ .. الفج الجريد
والبلا والعلم الآخر من فعولن يوزننّي=سعد من في وقف خيرا ً قامت افعوله تزيد
ياعذابي لو يميني قرقعت قرقاع شنّي=وأرجحت كفة شمالي والشمال بلا رصيد
آه كان إن المطارق من رداهن صايلني=لو يبيد العود منّي صلوهنـّـه مايبيد
الله العالم بإني في جهنم يطرحنّي=ولا أسئلوها هل مـُـلئتي..؟ جاوبت.. هل من مزيد..؟
العزاء إني.. لا لظنّي.. محسنه بالله ظنّي=كان ماربي رحمني مانفع بدع النشيد
جيت يارب أستجيرك بالرجاوي والتمنّي=وأنت للي يستجيرك يالرجا نعم السنيد
تكفى ياربي طلبتك بالرضا والصفح عنّي=ومن بعد صفحك ياربي راضيه باللي تريد

..أخت من طاع الله../

..