اه من سود الليالي هكذا طبع لليالي

فهد الذيابي · 06-06-2006, 02:35 AM

اه من جور السنين اللي عناها عذبنـي = واه من سود الليالـي هكـذا سـود الليالـي
يوم اصارعهن تمنيـت انهنـه يفهمنـي = كان ماسواً في حالـي كـذا يابـري حالـي
مر اعلمهن وامـراراً كثيـره علمنـي = عشت فيهنه وانا مابين مـر وبيـن حالـي
والليالي مـن تجاربهـن يمـا درسنـي = درسٍ قبلي ارجال وعلـمٍ قبلـي ارجالـي
علمني رفقة الطيب ورفقة ضحك سني = وعلمني كيف اسوي غترتي والبس اعقالـي
وعلمني من صديق الضيق لمني حدنـي = ومن يدفيني ليـا هبـت نسانيـس الشمالـي
بس ياهل المعرفه سود الليالي عيبهنـي = ماتوريك القلوب الحاقـدات مـن الخوالـي
والله اني من رجالٍ بالمعرفه والله انـي = ربعي اهل الطيب واهل الجود راقين المعالي
اكتبي في صفحة التاريخ يالاقلام عنـي = ان ربعي فى المواقف كنهم صـم الجبالـي
افتخر فيهم ومن زود الفخر والله لانـي = ليه مافخر فى الرجال اللي كريمين السبالي
بس عيبك يالليالي مامشيتي حسب ظني = ولو ساْلت اكيدوالله ماحداً جـاوب سؤالـي
ويابيوت الشعر لن غنيت بالله طاوعنـي = بتسلى بـك وابنسـى بالقصايـد ماجرالـي
كنت اغامر في كثير من الامور وعذبني = وشلت حملٍ فى النهايه ياجماعـه مايشالـي
بس ابشركم تجاريب الليالـي درسنـي = استفت من التجارب علمـو سـود الليالـي

نادر بن خلف العتيبي · 06-06-2006, 10:54 AM

بيض الله وجهك يابو نواف وصح لسانك

محمد الفرحان · 06-06-2006, 11:08 AM

سأعود يامبدع

نواف السعدوني · 06-06-2006, 04:49 PM

ابووو نوووواف

الله عليك والله على بوووحك

صح السانك واعتلى شانك ولاهنت

تحيتي لك

السعدوني

فهد الذيابي · 06-06-2006, 08:46 PM

فهد الذيابى

صح لسانك واحساسك

ولاهنت مدد بلاعدد

نغم

رغد عبد العزيز · 06-06-2006, 10:05 PM

وعلمني من صديق الضيق لمنـي حدنـي
ومن يدفيني ليا هبت نسانيـس الشمالـي
بس ياهل المعرفه سود الليالـي عيبهنـي
ماتوريك القلوب الحاقدات مـن الخوالـي

اخي الفاضل .. فهد الذيابي ..

وقصيدة تأسر القارئ .. تشده وتجعله يتفاعل مع ابياتها الاكثر من رائعة ..
نص" غارق في العذوبة والجمال والتميز ..

لكم فائق شكري وتقديري وخالص احترامي
رغد عبد العزيز