دمـعــة الغـيـمـه،،

[عبدالله العويمر]

يقولون المطر قطر السحاب ، ورحلة الغفران=وانا اقول المطر حفلة جفاف بدمعة الغيمه
ضعيف ومالقي غير السكوت ، ولوعة الأغصان=تعذ ّر للورق ب/ان انكساره للعرى شيمه
تلحّف كلمتين ، ولاعرف غير السهر ميدان=( إذا جتني اباكسرها )، تلحّف ، واحتضن ضيمه
كتاباته: مضى وقت ، وعطيت وصرت انا الخسران=سؤالاته : متى ترجع ؟ ومن يبكي؟ وش القيمه؟
مكانه دفتر اشعاره00رفاته أحزن السلوان=زمانه ليلة ٍ طالت00وقلب ٍ بان تحطيمه
نعم مرّت كذا مره00ولاخاسر ، ولاربحان=تشمّت بي00وانا صمتي كتب فيها تعاليمه
أموت من القهر ، ماطلت حقي00باقي ٍ ضميان=تحسب الصمت نسيان لوداد ٍ كان ترنيمه
ومرّ من الزمن عمر الجفاف ، ودعوة الرحمن=ومر من الشعر كل الشعور00وزاد تصميمه
وجيتي وانكسارك ماعرف غير الندم عنوان=تحسبيني مثل أول خفوقي بيدك تسليمه
نسيتي يوم كنتي تنحتين الجرح بالوجدان؟=نسيتي يوم قلت ان كل طقه منك00تعليمه؟!
أنا بكره اباحكي لليالي كان ياما كاااان=هنا ، البارح قسى غصن ، وفرح في دمعة الغيمه

ولكم عظيم محبتي
عبدالله العويمر

[ومضة]

الله


بوح راااائع



القدير عبدالله



الف صح لسااانك



تحيتي

[نواف التركي]

نسيتي يوم كنتي تنحتين الجرح بالوجدان؟
نسيتي يوم قلت ان كل طقه منك00تعليمه؟!


عبدالله العويمر

صح قلبك

يالغالي
والبحر هذا

طووووويل

وجميل

[شامخ الرشيدي]

نعم مرّت كذا مره00ولاخاسر ، ولاربحان
...........تشمّت بي00وانا صمتي كتب فيها تعاليمه


المبدع عبد الله العويمر ..
صح لسانك ولاهنت يالجزل ..
شموووخ .. وكبرياء .. لله درك ..
لك مني المتابعة والتقدير
اخيك
شامخ الرشيدي

[حماد القريني]

صح لسانك وجاد نظمك

لاهنت ولاهان راسك

تحياااتي

[نواف السعدوني]

الله عليك




ياعبدالله




جميل احســاسك



صح السانك وصح كلك



تحيتي


السعدوني

[مزون المحمد]

عبدالله العويمر


الله عليك


ودمعة الغيمة المنحدرة حد الإنكسار


رائع دائماً أخي عبدالله


لاهان حرفك

[لون الثلج]

:

صح لسانك

عبدالله العويمر

تقف حروفي على حدود حروفك ..

لتشكرهــا على هذا الأبداع

دمت باحترام..

.

[وليد الحميد]

صح لسانك وسلم نبظك ..

عبدالله العويمر ..

أخوك .. وليد الحميد

[ليان]

( دمعة الغيمه )

رائعه كروعة مبدعها الشاعر عبد الله العويمر

الذي لايجيء بغير النادر من الدرر .

في قلبه مدن إبداع ، ومحيطات شاعريه .....

مكانه دفتر أشعاره رفاته أحزن السلوان
زمانه ليلةٍ طالت وقلبٍ بان تحطيمه

لقد ملأت سماء المنابع شعراً وسحراً

صح لسانك وسلم نبضك

أختك ليــــــان ..