رسااااااله إلى ؟؟؟؟؟؟؟؟؟؟؟؟؟؟؟؟؟

[فهد الشهراني]

((رساااااله إلى قلبي))

تباريحك على جمر الغضى ياقلبي المهموم=ونبضاتك دموعٍ مرسله وتهلها عيني
تعبت وتعبت عيوني معااااك ولا هتنت بالنوم=موااااويل المواجع خلها مابينك وبيني
على مهلك بصدري لا تهزه وأرض بالمقسوم=على جور العيون ألّي تنام ولا تراعيني
من أول يوم أنا وياك.........أنا وياااك لآخر يوم=على الدرب الطويل ألّي جهلته ياموديني
نصحتك......قلت.......لا تحلم.......ترى بعض الحلوم حلوم=نهيتك.....قلت......ماتسلم......كسرت الشوك فيديني
سألتك.......قلت.......ماتعلم......بأن النصر للمظلوم=سجنتك......قلت.......تستسلم.......شكت منك شراييني
مدحتك......وأنت........تتبسم......بعـــــــــــيد من العتب واللوم=فهمتك......أنت.......ماتفهم.......رضيت أنك تخليني
لمحتك.......وأنت.......تترنم.......تغني للهوى المزعوم=سمعتك.......وأنت .......تتكلم.......هلا ياباقي سنيني
هلا بالطيب,,,, وأنفاس الغرام,,,,, وريحة اليشموم=هلا بلّي على بعد المسافه مانسيتيني
تأثرت بكلامك ((خفت)) لا يخذل عزيز القوم=وأعيد الكره ألّي قد مضت يومك تناديني
تذكرت الشوارع....... والظلام........ وطيرها المشأوم=على ذيــــــــك الغصون اليابسه والهم كاسيني
أخذت شوي__ وأصبحنا كلانا والأمل معدوم=صبرنا غصب__ والدنيا دروس وذا يكفيني
رضيت ومامعي حيله هو الحاكم وأنا المحكوم=تشيل الحمل ياقلبي ولاكنّك تعنيني
أحبك يابحر ((لكن)) أخاف وماأطيق العوم=تكفيني سواليفك على الشاطي وتغنيني
كذا يرضيك ياقلبي أطيح وماقدرت آقوم=وأنا ماني بحي الله بشر يومك تبكيني
بكاااا حتى القلم.......من رحمتي مافارق الأبهوم=نزف حرفي على صدر الورق علّه يسليني
سمعت علوم ياقلبي.........ومنّك ماسمعت علوم=ماغير دموعك ألّي سقتها وتهلها عيني
شكيت وماشكيت ألا على الحي وعلى القيوم=وغير الله ضعيف ولو طلبته مابيعطيني
ألاهي طالبك تغفر لعبدٍ ماهو بمعصوم=ألاهي طهّر القلب الضعيف ولا تخليني

أرجو قبول هذه المتواضعه

أخوكم فهد الشهراني

[مزون المحمد]

تشرفت بإن أكون أول من يعانق هذه الرائعة


فهد الشهراني


سعدنا برائعتك


لاخلا ولاعدم


دام تواصلك الكريم

[شامخ الرشيدي]

سمعـت علـوم ياقلبي.........ومنّـك ماسمـعـت عـلـوم
.................ماغـيـر دمـوعـك ألّــي سقتـهـا وتهلـهـا عـيـنـي


صح لسانك يا فهد ولاهنت على هذا الحضور ..
لاهنت يالغالي

لك تقديري
اخيك شامخ الرشيدي

[نواف السعدوني]

فهد





لاهنت


ولاهااان بوووحك



الله عليك والله على متواااضعتك عزيزي




صح السانك واعتلى شانك


تحيتي لك


السعدوني

[مـــــلاذ]

الشاعر المبدع فهد الشهراني


تشرفت بالتواجد هنا ..


حظور يشبه الريح و تواجد


راقي ..


وصح لسانك على هذه القصيده


الجميله



بالغ الود

[فهد الشهراني]

مزون

مشكوره

وحضورك

أسعدني

[فهد الشهراني]

شامخ

حضورك زادني شرف

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[محمد الفرحان]

ليست متواضعة بل هي رائعة تستحق

المرور لاكثر من مره . .

حتما" سيكون لي عودة ان شاء الله

[غريبة دار]

font=Arial Black] الشاعر القدير فهد الشهراني




ألف صح لسانك على هذه القصيدة الرائعة




والتي بروعة حضورك وتواجدك العذب




لاهنت ولا هان قلمك الرائع





تقبل تحياتي



اختك غريـــبة دار[/font]