الحلــم

[خالد بن عاصم]

.
صباح / مساء الخير جميعاً
فالبداية أعتذر عن الغياب لكن والعالم الله أنكم على البال
لكـــن المثل يقول الغايب عذره معه ..
متواضعــه آمل أن تنــال على إعجابكم وإعجابها ..
::::
:::
::
:

عشقت لي بنتٍ و هالبنت تحفه = ما مثلها بين الخلايق شبيها
عقلٍ وصاحبها مع الحِلم عفه = وأنا ترى قلبي شفوقٍ عليها
ما شفتها لكن قلبي تهفّه = ذيك النسايم والمطر مقتفيها
لكن حظي بالهوى ما ترّفه = بيني وبين الزين علّه وجيها
أخذت لي مع بعض الأحلام وقفه = من شان أسلي خاطرٍ هام فيها
إني أنا وياه في رأس شرفه = حتى الفرح لحظاتنا محتويها
وأبوس خده واطمع إني أشفه = بس الخجل مزروع فيني وفيها
وأمسك يده وأحس باليد رجفه = ربي محليّ ذاك الإحساس فيها
وألّد عيني فيه وأقول صدفه = أسف ترى ماقصد يدينك أجيها
لكنّ شوقي حط كفي بكفه = وضاعت علومي من ملامس يديها
ومن الحلا قمت أتغزل بوصفه = قصايدٍ تنساق من إليها
خط القلم يا زين وازداد نزفه = ولا أقدر أسيطر والمعاني تجيها
العالم بكفه وهذي بكفه = ليت الحقايق تنظر اليوم فيها
هذا مجرد حلم وأبهرت وصفه = كله لأجل عينك عسى ترتضيها