الورد في غارب الفيـل !!!

[عبدالعزيزالمرشدي]

يسعد مساءكم جميعاً
!!

الجرح ينـزف والقهـر زوّد الكيـل=والراس قاسي والزمن صار قاسـي
والناس ماتدري عن العدل والميـل=والوقت حوّل حّرتـه فـوق راسـي
وين انت ياراع العيـون المضاليـل=حتى تشوف اللي حصل من مآآسي
بعدك تهل دمـوع عينـي هماليـل=حزين وانتـه مبتعـد مـا تواسـي
حسبي على من حرّق البن والهيـل=وحسبي على من شال وردي وكاسي
ياكثر ماشكي من همـوم وغرابيـل=من يوم زرع الحب صابـه يباسـي
غنّت لي همومـي مواويـل ياليـل=وحرمت عيني من مواجـه نعاسـي
اناشهـد ان الحـب كلّـه بهاذيـل=مهما ارتفـع لازم يجيـه انتكاسـي
واناهويتـك ياتلـع العنـق بالحيـل=واصبحت عشقي بين ربعي وناسـي
حبك هدف مرماي ياغلا المحاصيـل=وشوفك لعيني بالهوى شرط اساسي
يامرحبا وان جيت ترحيبـة السيـل=ترحيبـةٍ تجـل التعـب والعماسـي
إقلـط بقـلـبٍ بالعطاماهوبخـيـل=قلبٍ ماهو لو طـوّل البعـد ناسـي
قلبٍ على طاريـك بعروقـه يميـل=حبك رسابـه كالجبـال الرواسـي
ماطاع فـي حبـك كـلام العواذيـل=ولاراوده لـو طـوّل البعـد ياسـي
يغليك ويـردد علـى الله تساهيـل=وموضوعنا ماصار فيـه اللتباسـي
ولاراغ عن وعـده ولالـه تحاييـل=والمسأله ماهيـب لعبـة كراسـي
غالي وحبـك زاد فـوق المعاديـل=وإن جيت ابآقف يندفع بي حماسـي
حسبي على من سبب الحط والشيـل=اللي تخبـط مـا يعـرف المقاسـي
اللي تدخـل بيننـا واسـرج الخيـل=وحط المسير العدل مثـل السداسـي
واعاد من كثر القهر كذبـة ابريـل=وفجر مسامعنـا بكثـر الحساسـي
مايدري ان الحب ماهـوب اقاويـل=الحب لاهل الحـب بحـر ومراسـي
الحـب ذللنـا وحـنّـا رجاجـيـل=له تخضع العالـم بوقـتٍ قياسـي
حبٍ صخرني لك وصرت اعشقك حيل=حتى انكسر بيديك جهـدي وباسـي
ياماتحديـت وشـربـت الفناجـيـل=وياما ثبت في وجه الاحداث ساسـي
ويامازرعت الورد في غارب الفيـل=ودست الصعيد اللي قبل ما يداسـي
واليوم بـدّل حالـي الحـب تبديـل=لين انكسرت لحكمتك وانـت قاسـي

[فهد الدباسي]

عبدالعزيز المرشدي


شاعر الوفاء فعلاً



نص أنيق يستحق العودة من جديد


سـ أعود يابو عبدالله

[شيمة]

.

.

لله در حضورك يانور / ..
ما يسدني من دلالك فنيال ..
لاوربي
هذا الفنيال الأول ولا باهزه و لا باقول بس / ..
ان الله أحياني لي عودة
لفنيال الصباح ..



محل ٍ عامر بك يابعدي ..


لاعدمتك / ولاحرمت منك أنفاس القصيد .

[محمد ال مهيد]

حجز وحتمااا سااعود

[محمد الفرحان]

.

.

سأعود يامبدع

.

.

[محمد الأسمري]

يسعد مساءك انت بعد يالجزل
!!

[move=up]

الجرح ينـزف والقهـر زوّد الكيـل=والراس قاسي والزمن صار قاسـي
والناس ماتدري عن العدل والميـل=والوقت حوّل حّرتـه فـوق راسـي
وين انت ياراع العيـون المضاليـل=حتى تشوف اللي حصل من مآآسي
بعدك تهل دمـوع عينـي هماليـل=حزين وانتـه مبتعـد مـا تواسـي
حسبي على من حرّق البن والهيـل=وحسبي على من شال وردي وكاسي
ياكثر ماشكي من همـوم وغرابيـل=من يوم زرع الحب صابـه يباسـي
غنّت لي همومـي مواويـل ياليـل=وحرمت عيني من مواجـه نعاسـي
اناشهـد ان الحـب كلّـه بهاذيـل=مهما ارتفـع لازم يجيـه انتكاسـي
واناهويتـك ياتلـع العنـق بالحيـل=واصبحت عشقي بين ربعي وناسـي
حبك هدف مرماي ياغلا المحاصيـل=وشوفك لعيني بالهوى شرط اساسي
يامرحبا وان جيت ترحيبـة السيـل=ترحيبـةٍ تجـل التعـب والعماسـي
إقلـط بقـلـبٍ بالعطاماهوبخـيـل=قلبٍ ماهو لو طـوّل البعـد ناسـي
قلبٍ على طاريـك بعروقـه يميـل=حبك رسابـه كالجبـال الرواسـي
ماطاع فـي حبـك كـلام العواذيـل=ولاراوده لـو طـوّل البعـد ياسـي
يغليك ويـردد علـى الله تساهيـل=وموضوعنا ماصار فيـه اللتباسـي
ولاراغ عن وعـده ولالـه تحاييـل=والمسأله ماهيـب لعبـة كراسـي
غالي وحبـك زاد فـوق المعاديـل=وإن جيت ابآقف يندفع بي حماسـي
حسبي على من سبب الحط والشيـل=اللي تخبـط مـا يعـرف المقاسـي
اللي تدخـل بيننـا واسـرج الخيـل=وحط المسير العدل مثـل السداسـي
واعاد من كثر القهر كذبـة ابريـل=وفجر مسامعنـا بكثـر الحساسـي
مايدري ان الحب ماهـوب اقاويـل=الحب لاهل الحـب بحـر ومراسـي
الحـب ذللنـا وحـنّـا رجاجـيـل=له تخضع العالـم بوقـتٍ قياسـي
حبٍ صخرني لك وصرت اعشقك حيل=حتى انكسر بيديك جهـدي وباسـي
ياماتحديـت وشـربـت الفناجـيـل=وياما ثبت في وجه الاحداث ساسـي
ويامازرعت الورد في غارب الفيـل=ودست الصعيد اللي قبل ما يداسـي
واليوم بـدّل حالـي الحـب تبديـل=لين انكسرت لحكمتك وانـت قاسـي

[/move]

الله الله

صح السانك ملايين يالجزل

لله درك على هالمعلقة ..

قصيدة فارهه وتستحق الوقفه والأشادة

صحيت كلك يالوافي وعوايدك الطيب وانا أخوك

لك كل التقدير والاحترام أستاذي

أخوك محمد الأسمري

[جمال العتيبي]

عبدالعزيز المرشدي

صح لسانك ملايين

تقبل صادق الود

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[سعود بادي]

.
.
عبدالعزيز المرشدي
الله الله
مبدع وتخط الروعة حروفك الجميله
نص اكثر من رااقي
وحضوور مميز
الف صح لسانك
ودام نبضك
.
.
.

[نايف الروقي]

عبدالعزيز المرشدي
ربما قطف ابرهه الا شرم ورده يانعه من الورود
التي زرعتها على غارب هذا الفيل الابله!!!!!!!!!!!!!!!!!
نقف و الحيره تتقاذفنا
نرمي آهاتنا بعيدا ونجدها تحاصرنا من كل مكان
نقتل الدمعه فوق الاوجان
نغتال المشاعر فوق صفيح الغيره العمياء
ربما يكون تبلد مشاعرنا الحل الامثل

اسكب لنا من دمعك انهاار واشعااااار
ربما اجدك امامي ماثلا
لاتضحك اسمعك تقول انت مخادع
لاتقلق اجدني بين سطورك
تق دي ري