مير لجلك

[شوق البراري]

والله إنه بكيف كيفك كان تبغي تصدقيني
المهم إني أحبك يالله ياربي (عساك...)
هذا نا قدام عينك حتى لو منتي تبيني
أسبق لآخر مطافك ون لزم أركض وراك
قرّبي ولدّي بعيوني يمكن انك تفهميني
تفهمي إن المواجب تفرض الوقفة معاك
وكان ودك تذبحيني وش عليه قومي اذبحيني
قطعي اللي ما تبينه واتركي اللي ما عصاك
إدري انك ما تطيقي شوفتي ولا تهضميني
وادري اني في عيونك يستحيل اصبح ملاك
وادري لو مني أجيلك يستحيل إنك تجيني
حظي الوافي تعثر وفوقها بعده يباك
لو أشعلني حرايق لو أقطع في يديني
يستحيل انه يدينــــ تحطني بعالي سماك
مبدئي اللي ما نسيته "ما أبي اللي ما يبيني"
مير لجلك ياغلاتي راح هالمبدأ معاك

[العف الخجول]

صح لسانك
وننتظر جديدك بكل شووووووق
تحياتي

[شوق البراري]

صح بدنك
وتسلمي حبيبتي على المرور بموضوعي
وكل عام وانت بنعمة وسهالة
وعساك من عواده

[قديم الشوق]

شاعرتنا / شوق البراري

مساك الله بالخير

وعيدك مبارك

ومن العائدين والفائزين إن شاء الله

وكل عام وأنت بألف خير

وصح لسانك على هذه القصيدة الجميلة والمعبرة

والتي لم يقلل من جمالها سوى وجود شئ من الثقل في بعض الأبيات

الله يعطيك ألف عافية

وفي انتظار المزيد من هذا الجمال

وتقبلي فائق تقديري واحترامي

[شوق البراري]

أستاذي /قديم الشوق
أشكر لك مرورك الطيب
وتسعدني ملاحظاتك الراقية
وكل عام وأنت في أتم الصحة والعافية
وعساك من العائدين

[صمت الرحيل]

صح لسانك يا شوق
سلمتي على روعة بوحك
وجمال حرفك
ننتظر المزيد من جديدك الرائع
دمتي بود وسلام

[أوراق الماضي]

شوق البراري ..
صح لسانك على هالقصيدة العذبة ..
لاعدمنا روائعك المميزة ..
ولاعدمناك..

[شوق البراري]

الأخوة صمت الرحيل/ قناديل شرقية
أشكر لكما مداخلتكما الكريمة
وذائقتكما المتواضعة
ودمتم في خير حال

[الكايد]

المشاركة الأصلية كتبت بواسطة شوق البراري

مبدئي اللي ما نسيته "ما أبي اللي ما يبيني"
مير لجلك ياغلاتي راح هالمبدأ معاك

بيت اجمل من رائع صح لسانك
ولاهنت قصيده جميله جدا جدا
تقبل مروري

[شوق البراري]

الأخ : الكايد
أشكر لك مداخلتك الكريمة وذائقتك الجميلة
دمت بخير