وقفة العود

[عبدالله بن راجس]

كل عام وانتم بخير وجعله يعيده علينا وعليكم بصحه وعافيه


انتشر قصيده من شاعر قطري بدون اسم وفيها من التجريح للجيره بين دول الخليج

وهاضة القريحه بها الابيات المتواضعه رد على كل من ينهج منهجه

ردِ على اللي يمتدح في عمامه = لوكان مايحسب لهم زند وعضود

من يوم ذا حتى ليوم القيامه = لابان له فعلاٍ وشكرٍ ومجهود
مايدري ان موج البحر والتطامه = ماهوب يركد لين ياقف له العود
خادم بيوت الله بعزم وصرامه = سور الخليج وباب الاشرار مسدود
منبع صناديد الوفاء والشهامه = من طيب راسه كل شعبه له اجنود
لولاه كم قصرٍ يعود هدامه = فاروق حق ولاوقف للعدا طود
هذا وحنا نعتبرها غشامه = من واحدٍ لاراح ماهوب مفقود
لو شب حربٍ مثل حرب الرغامه = الامر لاهل الامر والنصر موكود
وانا الساني مايفطر صيامه = كلمة سفيهٍ بين اذانيه عبرود
شعب الخليج اللي يريد انقسامه = نقوله يقطع وفي عينه العود
نوط الشجاعه مايلبس وسامه = الى اللذي في كفه الراي معهود
الشعب لاقسم يكود انظمامه = ماهو عنب ينشال عنقود غنقود
والدين حبله مايجوز انفصامه = والعلم ماهو عند حامد ومحمود
عند المليك الي وهو في فطامه = اعظم دول تعطيه ميثاق وعهود
ناقف سوا لامن دعتنا المنامه = لعيون ابو سلمان خلق الله شهود
درع الجزيره سعد منهو حزامه = دون الحدود يجود ويسود ويذود
سيف العداله غير عود الثمامه = وحمد ملك من قايد العرب مسنود
هزة رياح الشوق عود البشامه = وباح الضمير اللي من الغبن ملهود
يدس راسه مثل راس النعامه = من طبعها المعهود لاهبة النود

وسلامتكم

[عناوين الدمـوع]

صح لسانك واعتلا شانك عبدالله بن راجس

تعودنا منك على مثل هذه النصوص الفاخره

جزيل الشكر لك ياشاعرنا المميز.

[شوق البراري]

صح لسانك على هالطرح الجميل
تقبل مروري

[ذكريات]

العين بالعين والسن بالسن والبادي أظلم...هكذا قالوا...وفي مجال الشعر يحلو الرد من هذا القبيلوقذ اعود لأتحفكم بمعركة كلامية بين شاعرين

[صمت الرحيل]

صح لسانك اخوي عبدالله
ابدعت يالشاعر لا هنت
راق لي حرفك وكلماتك بما فيها من معاني
اجزلت ونعم العطاء
دمت بسلام

[العف الخجول]

صح لسانك اخوي وسلمت يداك
الله يعطيك العافيه ع القصيده الرائعه

[عبدالله بن راجس]

الف شكر للجميع

[قديم الشوق]

أررررحب يا ابو راجس

ومساك الله بالخير

وعيدك مبارك

ومن العائدين والفائزين إن شاء الله

وكل عام وأنت بألف خير

وصح لسانك على هذه القصيدة الجزلة من شاعر جزل وغني عن التعريف

وعز الله إنك رديت وكفيت ووفيت

وفي انتظار المزيد من هذا الإبداع

وتقبل فائق تقديري واحترامي

[سعود المسعد]

صح لسانك بابوراجس كماعهدناك
جزل وسيف جق ووافي
لاعدمنا جضورك