وش هو خــــــطايه؟!.... مصافحة أولى

[حنان آل فاضل]

السلام عليكم ورحمة الله وبركاته

مصافحة أولى لقلوبكم البيضااااء


وكل الشكر للنقااااء سحايب دمع لدعوتها الكريمه

وش هو خطايه يوم عمري لك أفنيت=وش هو خطايه شف ذنوبي وقلي
إن كان قصدك دمعتي يوم قفيت= تراه جرحك قـــــــال عنّه تخلي
وان كان قصدك بيت شعري وما أبديت=ترى خفوقي ضاق في ثوب كلي
كم فوق صدر الشعر للضيق غنيت=وشقيت صدر الهم وأطفيت غــلي
يــا صاحبي مثلي عن العيب خطيت=أنا حـروفي شمس والنور ظلي
إن كان نبضك قال ويني؟؟ وصديت =لا تحسب إنــه من عموم التغلي
عجزت وحدي وأنت عني تخليت=حاضر.. ولكن وين؟ قـــدره محلي
والبارحة بالذات تدري تمنيت=إني أغيب وكـــــل عمري يـولي
إن كان ظلمك ما تشوفه ترى أخطيت=والله مــدري كيف مثلك يصـلي
مدام جرحك في حياتي بنى بيت=أظن قلبك شــــوك ورده يسـلي
ما أبغاك ترجع يوم تصحى تقول ليت =ما عاد ينفع صوت حسك يهـلي
خذني جنازة واحسب إني توفيت =يمكن شعورك يدرك اللي حــصـلي
واقرآ قصيدي كل ما أصبحت وأمسيت =واذكر دموعي يوم تهنى بذلــي