كفّنت في صدري !!!

[أبوفارس المرواني]

مازال قلبي يحتفظ بالوفا لك=حتى لو انّك عن حبيبك تخليت
رحلت عني والحنايا حلالك=وباقي مرابعهن حلالك لواقفيت
بستان صدري باقي ٍ به جمالك =ينبت من ازهار الوفا كثر مااسقيت
اشتقت لايامك وصافي زلالك=بالحِـلّ يومْ لْقلبي اسقيت واشفيت
ياحي طاريّـك وياحي فالك=يـــــامن بخدمة قلب خلّك تفانيت
اللّـهْ عليك مكمّلاتٍ خصالك=حتى بوقت مــوادع الجرح وفـّـيـت
ياليتني ماادري وش اللي جرالك=ويبقى أمل عندي تجيني لو ابطيت
لا والله ادري مابقى في وصالك =رجوى ولو ذكرى المفارق كباريت
تشعل خفوقي تحت وااااارف ظلالك=ظل الوفا لك يوم صار الوصل ميْـــت
كفــّــنت في صدري لك أعز هالك=الحـــب ماله بعــــدك الا التــوابــيــت

,,,,,,,,,,,,,,


....