المشكل اني بداخلي نص ما تاب

[شوق البراري]

لا خطيت كني قاطع كفوف ورقاب
وغيري خطاه بعينك يصير صايب
ناسن تثور فيك وترز بك نــــاب
وتشوفهم شوفة صحاب وحبايب
وناسن تحب وتشرب الضيم أكواب
لجلك وتمشي في دروب الصعايب
وماتشوفهم إلا مشاويف أغــــراب
وبكل خطوة يدفعون الضرايــــب
قلبي ولاشي! لا حضر يوم أو غاب
صاير بعينك جـــال كــل الخرايــــب
صاير تدور ف الزعل كل أســـباب
ون ما تلاقي تخلق انت السبــايب
أحيان أحس ان البعد بيننا ذاب
واحيان أحسه في صميم الشوايب
عيّت يديني تطرق الباب والباب...
أطلب ولا بي من يفك النشـــايب
والمشكل اني بداخلي نص ما تاب
لاتاب عقلي قلبي ما هوب تايب