دن القلم يا سعيد دن الدواتي
بكتب من الامثال بدعن واقفيه
ياسعيد تسبقني تخون اعبراتي
مما جرى زادي تركته مجافيه
ويش العمل يا سعيد ويش السواتي
احرق ضميري الجاش من حر ما فيه
وقتي اشوفه ساد فيه الشناتي
وقدم على جزل المعاني هوافيه
ساد الربايض والغمر والهفاتي
وقتن تنهش من ذيابه ضواريه
لاعدت يا وقت الشنا والرداتي
لا عدت ياوقتن يسود الردي فيه
ياقافي اللي صايغن به شكاتي
وامثل حروفه نظايم على ايه
باشكي على اللي له شكاي ودعاتي
الواحد اللي ما يخيب مشاكيه
الواحد اللي له مماتي وحياتي
اللي له المفروض دايم نصليه
وعقب الفرايض له نوافل صلاتي
ونستغفره عقب النوافل وندعيه
له منسكي والهدي له والزكاتي
خالص لوجه الله فرضن ونديه
نشكي عليه همومنا المعضلاتي
وما غيره احدن لاثقل الغم يجليه
يا سعيد لا تتبع طريق الدناتي
ودرب العلا بين ولا هو متاويه
خلك مع اللي يطلبون النجاتي
طاعوا اله الكون ربه وباريه
وخلك معا راعي الكرم والحفاتي
اللي يفك الضهد ولهود عانيه
ما هو من اللي لازمين الخفاتي
قومن على الدرهم تصره وتحميه
وجنب رفيق المصلحة والطراتي
دربك الى قضى المصالح يجافيه
وجنب حسودن حاقدن بنغراتي
اللي يغمه شوفت الخير تاتيه
قدره دنين واطين في البراتي
وحسده ولو طال المدى حتم ينهيه
هذي مثايل شفتها في حياتي
وهدون لمنهوله مودة ونغليه
وياالله يا محيي البذر في النواتي
تلطف بنا يوم الحسايب نحاتيه
عبدالله المهنا النعيمي
الجبيل -خريف 2007
أنت غير مسجل في منتديات منابع الأدبية . للتسجيل الرجاء إضغط هنـا
06-04-2010, 04:48 AM
دن القلم ياسعيد
عبدالله النعيمي 
العرض الشجري