لحاك الله يا ساف الهبوبي
دفنت الرسم في بطن الترايب
طمست اقطان خلي ومحبوبي
خرايب تصطفق فيها الهبايب
الاعي ورقتن تلعي نحوبي
تلاعي راعبين بان غايب
والاحي الذيب قطاع الدروبي
الا اقنب على شهب الهضايب
بقلبي نا ر تشعط باللهوبي
كما مرجل تشيط به اللهايب
وجسمي منهكن من شيل ثوبي
تخاطفني جليلات الخطايب
تناهبني عضيلات الكروبي
كلاليبن عضيمات المقاضب
والا من هب لي ريح الجنوبي
يزود بي صوابي والعطايب
والا شفت السما فيها شبوبي
كما سيوفن تلامع في حرايب
تذكرته طرف خدن نهوبي
وقلبي صار بحساب النهايب
وكفن فيه حنا ومخضوبي
كما عسجد عليه التبر ذايب
ورمش العين عسكر بالجيوبي
نظامين يسير بالكتايب
زمي النهد مركوزن كعوبي
هلالي الحجاجين الحواجب
وضامر بطن كالعوصا النجوبي
نبي الردف مبروم الجوانب
مديد الجسم والمشي محسوبي
يحسب خطاه عد(ن) بالحسايب
تذكر ت الزمان اللي طروبي
وقد زانت لنا فيه الطرايب
زمانن عجل ويحث الخبوبي
تقفى وانتحى عجل الذهايب
احث السير عجلن بالركوبي
ودون القصد يقصرن الركايب
ولي همة على قطع الصعوبي
ولا كن القدر قاطع وصايب
وزود الحذر ما رد الكتوبي
ومقدور الفتى لا شك غالب
تغيب الشمس في حزة غروبي
وعمرك يالفتى لوطال ناضب
والا يالله علام الغيوبي
تسخر لي عناها والصعايب
لحاك الله يا ساف الهبوبي
تعبت القلب بشجون النوايب
عبدالله المهنا النعيمي
جوسمين -خريف 2007
أنت غير مسجل في منتديات منابع الأدبية . للتسجيل الرجاء إضغط هنـا
26-03-2010, 03:38 PM
لحاك الله يا ساف الهبوبي
عبدالله النعيمي 
العرض الشجري