الشاعر / سعيد بن سيف آل سلطان الفلاحي ........ روح المنابع

[شيمة]

	شيوخي الوافين نستنشق عبير الماضي اليوم من خلال هذه الكلمات للشاعر : سعيد بن سيف آل سلطان الفلاحي وشاعرنا أحد أشهر شعراء أبوظبي وكذلك اثنان من اخوانه زعل و أحمد رحمهم الله جميعا . . ( ومن سعد حظي انهم اجدودي ) وسنحاول ان نسعد برحلة في بحورهم العذبة كلٍ على حده ولنبدأ بسعيد الله يرحمه ويغفر له قصيدة من أعذب ما قال وقد نكون لم نحصي كل أبياتها نظرا لعدم جمع تراثهم للأسف في حينه مما أدى الى ضياع بحر من الإبداع يقول الفلاحي .. / أرقا العلاة وحالي بشر=وانوح لو ماشي مصروف وأنا أشهد انك ياالهجر مر=شهادةٍ تتلى ابمحلوف من حد والا حد ؟ يجبر=جرحه ولو ينصفك منصوف ولو لي اخيار وبا تخير=قم دن لي من الهجن مكلوف وهات الحصان ولا اتحير=كان باتسوي في معروف هوّن على ابطانه من الزر=ولا يحترك شدّه من الروف ولاتخاف لامن تعب يضمر=وعقب الصلف ما اييك منحوف وايي مثل ما سار وأخير=ويسد من مدحي له الشوف وان روحن في سيح أغبر=يبرح اخطامه عندك ارضوف وراسه على المصلاب لايسر=وانت منه في شدة الخوف وتسمع تحتك الكوبة اتصرّ=وصفق الحلق في الشدّ محظوف وسلامتكم أساتذتي طبعا شاعرنا هنا يمتدح بعيره واسمه ( الحصان ) ويبين أوصافه الأصيلة . وله في الغزل قصيدة عذبة لم أعثر الا على قليل من أبياتها العديدة باديٍ والعين دوارة=الضحى وأهريع الونة وأعذل قلبي من اشواره=ويعصيني مدري اش ظنّه من يعيض اليار في ياره=حد لي عادك امصافنّه يا عوض لو كنت متخيّر=وان كـلن واليــن شوره جان تدري وين بانسيّر=صوب حيٍ تلعي انيوره ما تقـــلط حـــق المسيّر=دلةٍ في الضـو مهيورة نيوره : جمع نير وهو النجر السموحة شيوخي ويبقى للحديث بقية