يعني ابكيفي اشتاق ..؟!

فهد نهار · 07-03-2006, 07:29 AM

اولاً ...
اشكر من دعاني .. لــ مكاني
فهنا .. سوف يحلو لي المقام .. بكل تأكيد
فالاسماء المبدعه المتواجده هنا ..
شرف لي لأكون بينهم ...

ثانياً
متواضعه اولى .. اتمنى ان تقبل ولو بالشي
القليل من الرضا .. وليس الاعجاب ..

اشتاق لك بالثانيه 1000 مـــــره =احسب معي باليوم كم مره اشتاق ؟!

تبي الصراحه شفت منك المضره =وانته ولا همك سوى يالله (افراق) !
يعني الفراق(المر) لازم تمره؟!=ترتاح له يعني وتبادِلْه الاشواق ؟!
اليا متى نخسر بعض و(انتشره)=(ياخي) تعبت افهم! ترى خاطري ضاق
ودي افهمك شي فيني مقره !! = في وسط قلبي محرقٍ قلبي احراق
لا صار قلبي فيك( مقطوط سره )؟!= قلي شسوي !! يعني بكيفي اشتاق ؟!
قرَب .. تشوف ان حالتي مستقره = البعد صدقني ولا يوم .. ينطاق
يلومني قلبي وانا( آموت حره )=يضيق ان ابعدت وان جيت لي راق ؟!
لو كل من شافه قليبي يجره = ماكان تلقى اثنين / اثنين عشاق !!
لاشك محدٍ خالفه واستقره=غيرك قسم بالله ما لاق ما لاق !!!
لله دره ( القلب ) لله دره = كم لي وانا مشتاق /مشتاق/مشتاق ؟!
اشتاق .. لك .. بالثانيه .. الف .. مره=احسب .. معي .. باليوم .. كم .. مره .. اشتاق ؟!

محمد الفرحان · 07-03-2006, 08:07 AM

.

.

الشاعر الرائع

فهد نهار

.

.

اهلا وسهلا بك في منابع الشعر والأدب وكلنا سعاده

بتواجد هذا الاسم بيننا وعسى ان تجد لدينا مايكون

دافعا" لك لتقديم الجديد والمميز وكل ماهو معهود

منك ويكون سببا" في طيب وطول اقامتك بيننا .

وياهلا بك ومرحبا بين اهلك واخوانك ومكانك العيون

والقلوب قبل المنتدى . .

.

.

حضور للترحيب وسيكون لي عوده الى هذه الرائعه التي

لاتوفيها الكلمات . . .

.

.

تقبل فائق تقديري واحترامي