عز الرياض وعز وادي حنيفة ( مشاركتي في مسابقة السامر )

[مشعي بن بريكان]

السامر .. شاعر آل سعود .. سمو الأمير عبدالعزيز بن سعود بن محمد آل سعود طرح مسابقة لمن يكمل ابياته الثلاثة بمناسبة مرور خمسين عاماً على تولي صاحب السمو الملكي الأمير سلمان بن عبدالعزيز لإمارة الرياض .. حباً في أميرنا المحبوب أمير الرياض كانت مشاركتي في مسابقة الشاعر المبدع " السامر " .

(عـز الــرياض وعـز وادي حـــنيفه=وعـز الامـاره والامور العظـايم
عدل الحـكم ســلمان بالعـز ريفــه=خمسين عـام ٍ كـل ابـوها غــنايم
تبصــر بعــدله عـين حـي ٍ كفــيفه=المجــد له والطـيب والعز دايـم)

نجد العذية تحت ظله مريفة= رقابها للمجد راعي العزايم
رقابها فوق الجبال المنيفة = طير السعد في جوها دوم حايم
يحبها حب الوليف الوليفه= ونجدٍ واهلها تعشقه عشق هايم
خمسين عام ونجد تمشي بكيفه= تمشي بكيف اللي سيوفه صرايم
عدل الحكم راعي اليدين النظيفة = ميــزان عدله دايم الـدوم قايــم
اختاره الحاكم علينا خليفة = خمسين عام الحكم فيها سلايم
يعطف على راعي اليدين الكسيفه= ويرعى الأرامل والعيال اليتايم
ويضرب بحزم اهل العقول المحيفة= والـدار طهـرها بليـا جرايــم
من خالف المنهج يجزه بسيفه= حكم الشريعة مارضى بالثلايم
الله يديم اللي عروقه شريفه = شهم الرجال اللي سلالة شهايم
آل السعود أهل النفوس العفيفة = هم درعنا لاجا نهار اللزايم
وتبقى الرياض بفضل ربي مريفة= في ظل سلمان الكرم والكرايم

[( حايره )]

سلمان

وهل هناك من يستحق المدح غير سلمان ؟



مشعي

قصيدة جميله بكل ماتحمله الكلمة من معنى

أتمنى لك التوفيق

وألف ألف صح لسانك

ولا هنت

[مزون المحمد]

مشعي .. حضور يشع بالنور

وقصيدة في رجل يستحق ويزهى به القصيد بلاشك

صح الله لسانك .. ومجاراة وافية من وافي

لاهنت

[محمد الفرحان]

.

.

شاعرنا

مشعي بن بريكان

لايذهب المدح الالمن يستحقه

.

.

صح لسانك ويسلم بنانك

.

.

حضور جميل وتواجد يستحق الاحتفاء

وشاعر نطرب لمعانقة جديده . .

.

.

سلمت وسلم نبضك واحساسك ودمت

مبدعا" بكل حالاتك .

.

.

تقبل فائق تقديري واحترامي

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[عماش الرقعي]

عدل الحكم راعي اليدين النظيفـة
ميزان عدله دايـم الـدوم قايـم

صح الساانك وابو فهد يستاهل



وانا اقول


له في سجل المجد صفحة نظيفه
صفحة كرم فيها لطيبه علايم

[فهد الدباسي]

مشعي بن بريكان


نصٌ رائع

و حضورٌ متميز و فاخر


صح لسانك و لاهنت

تقبل تحياتي

[حماد القريني]

صح لسانك وجاد نظمك

لاهنت ولاهان راسك

تحياااتي

[قديم الشوق]

مشعي بن بريكان

صح لسانك

ودام توهجك

قصيدة أكثر من رائعة

وفي رجل نحبه جميعا ً ويفخر به الفخر

شكرا ً لك من الأعماق

بس ودي تقول لي صورتك اللي في التوقيع في وين مصورها ؟؟

ويوم صوروك هل كنت تصلي مثلا ً :D

وتقبل فائق احترامي :rose:

أخوك / قديم الشوق

[محمد محفوظ]

لآ فض فووكـ مشعي


قصيدة جميلة وآحساس آجمل وسطور رائعة خاطبت الصمت وتحدثت


لآ عدمنا توآجدكـ وحضوركـ الرآئع ولا تحرمنا من جديدك

دمت ودآم نبض قلمكـ