صرخة ألم((صوتية))

[هيثم اللحياني]

غرد بكى و اطرب مسامع عاصي الدمعـات=غنـي جـوى ياطيـر تكفـى لا تخليـنـي
عمري قضى و الها صدى في صدري الآهات=قصة عجيبة عمرها مـن فـوق عشرينـي
يا طير صعبة كيف قلـب الآدمـي لا مـات=ينبض و لكنـه حجـر يقسـى و لا يلينـي
جمرٍ على جمرٍ على جـرحٍ علـى ويـلات=ليلٍ يلاحـق ليـل يجـري فـي شرايينـي
عامٍ ورى عامٍ مـع الأحـزان لـي ميقـات=أقعـد أنـا و جرحـي أسليـه و يسلينـي
شللي بقى غير الألـم و الهـم و الغصـات=دربي شقا ضحكي قهر ضاعـت عناوينـي
كل ما نويت انسى و ابدل حزني ابضحكـات=يوقف على بابـي طفـل يصـرخ ينادينـي
ودي بخصرانـه و لكـن يلعـن الخطـوات=يمه غصـب عنـي تجرجرنـي و تودينـي
شفته كما ليـلٍ بـلا قمـرة و لا نجمـات=نبرة أسى بصوته و لا ادري وش يبي فيني
شفته جسد ناحـل خـروقٍ تستـره رثـات=أقبل و عن صدره كشـف قصـده يورينـي
خلف الضلوع الخافق اللي ممتلـي طعنـات=عديتهـا زاد العـدد فــوق الملاييـنـي
دمعه على خده سـرت ثـم اردف ابونـات=يصـرخ ألـم بالحيـل صرخاتـه تعنينـي
لحظة شرود و صمت دوت بعدها الكلمـات=مهمـا تحـاول تبتعـد و تـروح بتجينـي
جرحك أنا و الماضي اللي تحْسبه قد مـات=تومك أنا شفنـي ياهيثـم طالـع ابعينـي
الله حسيبـك أدري انـك تحتـرق بسكـات=لكن قدر هذا الأسى دينـك تـرى و دينـي
تحسب على كيفك و بيدك تطوي الصفحـات=ظنـك تبـي ترتـاح اذا قـررت تلغيـنـي
لا و الذي جمع و لاقى الشـوك بالـوردات=لآخر رمـق باقـي معـك خذهـا يمينـي
ما ارحل سوى يعلن خفوقك آخـر النبضـات=و اسري و انا حامل معي روحك على ايديني
و اطلب لها الباري عليها يجود بالرحمـات=و اشفع لها عنـده بدمعـي ليـن يعطينـي
يجعل مساكنها عـلا عقـب العنـا جنـات=في يومهـا برحـل إليـن الليـل يطوينـي

[حمد فرحان]

هيثم اللحياني


صح الله لسانك ولاهنت


حضور جميل ومتألق



فائق تحياتي

[فهد الدباسي]

هيثم اللحياني


حضورٌ جميل

صوتاً و قراءة


و نصٌ نتشرفُ بـ وجوده في الـ منابع


صح لسانك و لاهنت

تقبل تحياتي

[مشاعل ابراهيم]

أخي هيثم اللحياني



قصيدة رائعه
وابيات في قمة الروعه
صح لسانك مليون ولا يسدون

دمت بهذا التميز والابداع

[مزون المحمد]

هيثم


حضور جميل .. صح الله لسانك عليه

لاهنت

[قديم الشوق]

أخي الغالي / هيثم اللحياني ..

صح لسانك وانا اخوك

قصيدة أكثر من رائعة

من شاعر مبدع ومتمكن

شكرا ً لك من الأعماق على اتحافنا بهذه الشامخة

وتقبل خالص تحياتي

أخوك / قديم الشوق

[محمد الفرحان]

.

.

شاعرنا

هيثم اللحياني

.

.

صح لسانك وعلا شانك

.

.

قصيده عانقت السحاب بروعتها . .

.

.

دمت بهذا الحضور ولاعدمنا تواجدك.

.

.

تقبل فائق تقديري واحترامي

.
.

شاعرنا الرائع



هيثم اللحيــاني


.
.


قصيدة رائعة وشامخة

صح إحساسك ونبضك

ونبع فكرك الذي لاينضب


كل الود لك





إيمان

[فيصل العمري]

بيض الله وجهك

وصح السانك

تحياتي

[أكرم التلاوي]

هيثم اللحياني

قصيده بها يـُقاس حجم الألم في صدور البشر

ألف صح لسانك ولا هنت ولا هان غاليك

أبدعت في وصف ألمك حتى آلمتنا

دمت بكل الود ولا تحرمنا من جديدك