"دمعه يتيمه"

[ينابيع السبيعي]

"دمعة يتيمه"

مرحوم ياللي سمعتـه ترفـع الـرأس=نومـاس علمـه للنـفـوس العليـلـه
علمه ينومس بالفخـر طيـر قرنـاس=حـرٍ نهـار الضيـق كـلـن يجيـلـه
له موقفٍ مثـل الفـرح حـزة اليـاس=بالهقـوه اللـي كـل بـارق تخيـلـه
أبويـه اللـي للمواجـيـب نـبـراس=لـه سمعـةٍ ترفـع مـقـام القبيـلـه
له الوفـا والطيـب مبـدى ونومـاس=درب المـراجـل مايضّـيـع دليـلـه
صادق مشاعر يحتـوي قـوة البـاس=ماعـاش فـي دنيـاه لحظـه ذليـلـه
خبـر وفاتـه أودع الفكـر منـحـاس=وأنشـل فكـرً ماقـوى نـزف قيـلـه
يوم الفجيعه أعتلـت ضيـق الانفـاس=مالـوم مـن عّيـت عظامـه تشيلـه
قالوا توفـى وجاوبـت هـزة الـراس=مـع سقطـة الدمعـه وفـوح المليلـه
احساس صادق وأنجرف دون مقيـاس=فيض الحنان اللي سكـن بـي رحيلـه
في داخل أعماقه كمـا طفـل حّسـاس=أستوطن أعماقي وصـرت أنتمـي لـه
كتبـت شعـري دم بكفـوف قرطـاس=دمعـة يتيمـه تذكـره كــل ليـلـه
رغم البطا ، رغم الزمن ، رغم الارماس=باقـي معـي للحيـن صـوره جميلـه
ضميتها . حطيتهـا . بيـن الاقـواس=لاضاق منها الكـون صـدري يشيلـه
صوره لها نبضي ودمعـي والاحسـاس=صـورة شمـوخ وللمبـادي فضيـلـه
جعل العوض بقلوب ماتعـرف اليـاس=تدعـي لـه الرَحمـن منجـي دخيلـه
تطلب له الرحمـه مـن الله ولا بـاس=أعـداد مـن لبـا وصـلـى النفيـلـه
عـد النجـوم وعـد ماهـب نسنـاس=عـد الشجـر وأعـداد بـارق مخيلـه
في جاه منهـو عالـمٍ غيـب الانفـاس=فـي جنـة الفـردوس يصبـح مقيلـه

ينابيع السبيعي

[مشعي بن بريكان]

ينابيع السبيعي

شاعرة متمكنة .... ورثائية مؤثرة ...

صح السانك ورحم الله والدك .

شاعرتنا المبدعة


ينابيع السبيعي


سيدة الحرف والجمال

.
.


نص راقي جميل وقصيدة

شامخة غارقة بالجمال

.
.


كل الود لقلبك

صح إحساسك ونبضك

ودمتِ لنا نهراً لا ينضب مدادهـ



مودتي

.
.



إيمان

[( حايره )]

حضور حزين لكنه جميل

بكائيه أخذتنا معها في موجة حزن

بكائية أستعدنا معها تلك الوجوه التي أحببناها

لكن كان الرحيل هو المصير الذي أبعدهم أجساداً

لكن أبقاهم نبضاً وروحاً يتغذى بحبنا وذكرنا لهم


ينابيع

رحم الله أمواتنا واموات المسلمين

ألف تحية لنبضك

دام بوحك .. وطابت جروحك

[محمد بن مشاري]

رائعه وانا اخوك





وكلمه روعه لاتوفي بحق هالجزاله





صح لسانك ولاهنتي





تحيتي

[سليمان العقيل]

صح لسانك وتسلم يمناك ورحم والدك

حضور متألق ورائع ورثائية مؤثرة


تحياتي لك ولقلمك المبدع

[محمد الفرحان]

.

.

شاعرتنا

ينابيع السبيعي

.

.

رحم الله والدكِ واسكنه فسيح جناته وأمد

في عمرك لتدعي له بالرحمة والمغفرة . .

صح لسانك وصح كلك على هذه القصيده

الرائعه بروعة حضورك وتواجدك . . .

.

.

حضور جميل وقصيده مؤثرة تستحق

القراءه لأكثر من مره . . . .

.

.

دمت بهذه الشاعريه وهذا الحضور . . .

.

.

تقبلي فائق تقديري واحترامي

[فهد الدباسي]

نصٌ لم يترك لنا سوى الصمت



غفر الله له و رحمه

و جمعكم به في جنات النعيم


لاهنتي أختي

[مشاري بن جلوي]

ينابيع الشعر رحم الله والدك واسكنه فسيح جناته ورحم جميع موتا المسلميين قصيده مؤثره وشاعره تستحق المتابعه




دمتي بسعاده

تقبلي تحياتي

.

[حماد القريني]

صح لسانك وجاد نظمك

لاهنتي ولاهان راسك

تحياااتي