الحقيقه

[هيكل الشمري]

الحقيقه في صياغي جبتها بأحلى طريقه=الحقيقه ماتحق إلا تحقق إنشقاق
إن كانها بالفلسفه باتفلسف بالحقيقه=الحقيقه : هي عباره فعل ناتج لايطاق
كم واحد مايبيها وكم واحد مايطيقه=كيف ابنطق كيف افسر كيف ابيّن يارفاق
بشرح المقصد ولكن ابغى منكم بس دقيقه=بجلب انواع الحقايق لوهي مره بالمذاق
الأخو يحسد شقيقه والخوي يطعن رفيقه=والسبب كثر الطمع كثر الجشع كثر النفاق
وبعض العرب لاجيتها مسرور ترجع فيك ضيقه=ياللأسف بعض العرب للرديّه في سباق
من مايبينا نتبعه ! نتبعه ونصبح فريقه=ومن سعى في ودّنا ! ودنا فيه الفراق
من فهمني يالربع يرفع ايده بهالطريقه=ومن سها لاشك باله خارج اجواء النطاق