اضحــك ^^مع^^ الشـــعر

[محمد الفرحان]

.

.

تيس مندي :

للشاعره مرام الشوق حبيب مزعج فهو بالاضافة الى

غبائه شره ومتخلف ويتضح ذلك من قولها :

لي قصةٍ مع صاحبي فلم هنـدي=دايم انا ويّاه فـهواش ودمـوع
ودّه يسامرني على تيس منـدي=وانا رقيقه ودي بازهار وشموع
خلّي غبي والعقل عنده مصـدّي=وبفن التخلف حايزٍ شكر ودروع
قلت له تطور عيش باشا وافندي=الى متى وانت بتخلفك منـزوع
قام وتلفّت قـال قومـي تغـدي=هذرتك واجد يوم انا ميتٍ جوع

[محمد الفرحان]

.

.


عيوب غريبه :

يصف الشاعر محبوبته التي تعاني من عيب خلقي

غريب اضافة الى غباء في وضع المكياج :

ميّة هلا باللي يكحّـل ثنايـاه=اللي يحط الديرمه في عيونـه
اللي حدا نهديه من خلف علباه=والنهد الآخر روّحوا يطردونه

[محمد الفرحان]

.

.

حزن على النعال :

كم هو الحزن الذي ينتاب من فقد نعيلاته .. ياويلي عنه ويلاه ..

خصوصا اذا صار له معها عشره طويله

هكذا يعبر عنها الشاعر :

ياوجودي وجد من ضيّع نعوله=لاقيٍ وحده والاخرى مالقاهـا
عايشٍ معها من ايام الطفولـه=شاب راسه بس نعله مانساها

[محمد الفرحان]

.

.

قصيد البنات :

احد الشعراء يتهم البنات بعدم مصداقية شعرهن ..

اسمع اسمع :

يقولون والعهده علـى ذمّـة الـراوي=قصيد البنات اللـي تشوفـون عاريّـه
بعضهن تفوّض عن قلمها قلـم غـاوي=لـه بكـل بيـتٍ يكتبـه منـه ماريّـه
وبعضهن يجي ماتكتبه غيـر متسـاوي=به من الغلط والعيـب تسعيـن بالميّـه
قبل ينشرونه تلمسـه حرفـة الحـاوي=يصير اطيب من الطيب واصدق من النيّه
وبعضهن وراها سيّد الصفحـه العـاوي=يلمّع عصايدهـا ويركـض ورى غيّـه
وبعضهن تسوق افكار لو فكرها خـاوي=تبي لمعة الشهره وهـي قبـل منسيـه
وبالخمسميّـه وحـدةٍ تنعـش الـذاوي=قوية قصيـد وسبـكٍ اطخـم ونشميـه

[محمد الفرحان]

.

.

ارتكت للدركسون :

الشاعر سليمان الرشيدي يوصف بنيةٍ طخما

تسوق سيارتها بهذه الابيات :

فلّت شعرها وارتكـت للدركسـون=تضايقت كشناتهـا مـن شعرهـا
غريبة المظهر على الحسن واللون=حوريةٍّ كـن القمـر فـي نحرهـا
كتفٍ وردف وزول وحجاج وعيون=وآخر مديل الغانم ابيض شفرهـا
لحقتها صاحي وعـوّدت مجنـون=ملهوف ماعرف برها من بحرهـا

[محمد الفرحان]

.

.

كلمات لشاعر غير معروف :

ياراكب من عندنـا فـوق سمبـوك=متوجـه صـوب المنامـه بشايـب
مع البحر كنك على القـارب بيـوك=يلحق ويفهق مسرعـات الهبايـب
وان طحت في خفر السواحل وردوك=دارك على عود من الحـول ذايـب
وان باركوا لك بالسلامـه وهنـوك=لك في الدلاله ياابن الاجـواد نايـب
ترى خويك كان من قبـل صعلـوك=ويـدل حتـى موحشـات الخرايـب
وصحيح لو تنشد هل الـدار دلـوك=واهل الوفا ماعابهـم ربـع عايـب
ويامقدرين الضيف لو مامعه بـوك=باخلاقكـم صـارت ثمـان عجايـب
وارجوك انا ياصاحبي وارجع ارجوك=اياك تنسى انـك مـودي وجايـب
راجع لنا خريج بومبـي وبانكـوك=وخلك على الزله بعيـد الحضايـب

الرد :

اخطوا عليك اللي بها الاسم سمـوك=اسمك سعد وانت السعد منك غايـب
والظاهر ان اهلك على العنف ربوك=وطلعت تبحـث للنشـب والطلايـب
وظلمت حظك مااشين الظلم يابـوك=وهجيت عود عن هل الغـي تايـب
ماتدري اني صرت هادي ومبـروك=وعلـي تثنـي عمتـي والنسايـب
وان شفت ديواني على طول مصكوك=اطـرد ورا حــظ ورزق نهـايـب
وحتى انت تنغزنا مع الحكي بالشوك=ياهي علينـا مـن كبـار العقايـب

[محمد الفرحان]

.

.

مساجله :

قال الذي بطنه من الـرز مليـان=يلهم من المزه على غيـر قـادي
عمره وصل خمسين ماذاق قرصان=ولا ناظر المرقوق وسط البـوادي
يدربي كرشـه ويزنـت بليهـان=وان قلت له وين انت به قال غادي
ماهـو بمثـل اللـي مـر دكـان=شرى طحينيـه وخبـز وزبـادي

الـرد :

حي الكـلام اللـي منقيـه فنـان=اللـي بتكريـم البشـاور ينـادي
زدني نهم زدني عطش زدني ادمان=زدني كسل زدني جهـل بالنـوادي
بكيـت متأثـر وغنيـت طربـان=ياريحة العنبر سرت فـي فـؤادي
اسمك لنا ياطيـب الفـال عنـوان=مثل العلم بين الحضـر والبـوادي
خلك بشانك واترك الناس تشتـان=بالضغط والسكر ونم وانت هـادي
لين اتغدي كنك دعايات ميشـلان=ماعـاد تقـدر تلتفـت للمنـادي

[محمد الفرحان]

.

.

فرح شاعرنا ومشرفنا قديم الشوق عندما علم ان اليوم الوطني

يوم اجازه رسميه فأخذ يتظر الى التقويم وهو يمني

نفسه بأجازه سعيده بين الأهل والأحبه . .

تعالوا ننظر الى حظ شاعرناقديم الشوق مع الاجازه :

قالوا لنا يوم الوطن يـوم اجـازه=ومن القراده وافقه يوم جمعـه !
ياحظنا اللي صار مثـل الجنـازه=مايوقضه جرح(ن) ولاحر دمعه !!

[محمد الفرحان]

.
.

لم تكتمل هذه المشاركه

ولن تكتمل الابتفاعلكم ومداخلاتكم

وتزويدنا بكل مايقع تحت ايديكم من

طرائف الشعر

.

.


للجميع فائق تقديري واحترامي

[وعد الشقا]

محمد الفرحان

ماا دري وش اقول

بس قول آمين


يسعدك ربي ولا يحرمنا من طلاتك المميزة

وياليت القا شي اقدمه ويكون بالمستوى اللي تتحفنا فيه

اذا بكره ما لقيتني بالمنتدى اعرف انهم ودوني مصحة
لاني مت من الضحك والكل بالدوام يطالعني ويحمدالله على زينة العقل