مومنٍ كل حيٍ له نصيب يصيب

يزيد النمي · 03-11-2006, 01:11 PM

.
..
...

السلام عليكم ورحمة الله وبركاته

إليكم هذه الابيات علها تحوز على رضاكم

اقول :

فرحة العيد تكمل لو حبيبي قريب = مير الاقدار خبنه وسط كمها
مومنٍ . كل حيٍ له نصيب يصيب = مير نفسي فراق احبابها سمها
آتسلى بجزلات القصيد الغريب = من قصايد فحول الشعر وآصمها
بعض الاحيان يحتاج الطبيب لطبيب = يفتح اجروح قلبه ثمن ايضمها
تالي الوقت يضهد كل رجلٍ عريب = ما تشوف الكرامة سايح دمها
كل ما لدت عيوني تشوف العجيب = سلم الايام هذا ما اختلف سلمها
لو تفكر طفل فالوقت راسه يشيب = والليالي ترى محدٍ سلم همها
مرةٍ ترفعك والثانية فالقليب = احْد يمدح بها والثاني ايذمها
مير ربي على كل الخلايق رقيب = عارفٍ عن خوافيها وعن علمها
نسأله يلطف ابنا يوم صبحٍ صعيب = تحشر الناس كل الناس في غمها
والبنادم بها الدنيا شقيٍ غريب = بين خلقه وموته مدته كمها ؟
وما يخلد سوى اللي له فعولٍ تطيب = كالرياحين ذِكره لا طرى انشمها
ذا وصلوا على سيد العباد الحبيب = من بعث بالرسالة واخلص وتمها

وسلامتكم
وكل عام وانتم بخير بعد الزحمةl

فهد الدباسي · 03-11-2006, 06:24 PM

يزيد النمي

فخرٌ لي أن أكون الأول هنا

مصافحةٌ جميلة

كل سنة و أنت طيب و بـ صحة و سلامة

صح لسانك و لاهنت

تقبل تحياتي

يزيد النمي · 03-11-2006, 06:31 PM

.

شاعرنا

يزيد النمي
.

.

صح لسانك مليون ولايكفون

.

.

ابداع وتميز غير مستغرب من شاعر

بحجمك . .

.

.

دمت بهذا الحضور الطاغي . . .

.

.

ولاعدمنا تواجدك

.

.
تقبل فائق تقديري واحترامي

إيمان