تسمح لي ألمس جبينك ..؟! الله لا يهينك ......... شيخة الشيخات

[أحمد العياف]

	الشيخة تسمح لي ألمس جبينك ..! الله لا يهينك المس نداه .. وأتحدث اوياه هو ما ذكرني .. يوم دوّى بصدري / حنيــنك ..؟!! تسمح ألمس يمينك .. بها عطرك أبالثم بعضه .. وطرفي على شوفك / أغضه بس أبا المس يمينك .. الله لايهينك وأدفي جليدي .. من غضى حرّك وأسولف لك .. عن قلبي يوم حام واعتلى وكرك ..!! أتحسس ريحتك .. وشذى / دفا غترتك ما أصعبك من وله يحتلني يووووووووه .. داخلي ما أكثرك ..! بالله .. ما رحمتني من حرق ضوك يوم أهديتها ضلوعي تحرمني غفوتي .. وراحتي وهجوعي .؟! وأنت .. وش ناوي حضرتك قل لي .. يا ظالم فديت عينك .. ومجرم نظرتك . ناوي منك تحرمني ..؟! وزود على قهر الزمن .. وجحود الأماني .. بالجفا تحرقني وش ناوي .. قل لي وش سالفتك ..؟!! الله لو تدري .. ان روحي طارت الحين احضنت جوفك .. بدموعها الثمت قلبك .. و ذابتك .!! ولا تدري انته وش حالي ياكل السالفة .. والعصور اليايّة مع الأحقاب السالفة ..! من يوم سكنتني .. وأنا من موتي بكفك والله كلي / أدري و حيل خايفة ..!! وبس أباالمس ريحتك وأكون صغيرتك في حضن ثوبك .. لفني دخيلك أبغفى / لو ثانية .!! وياليت تكون عرفت الحين وش هي هالسالفة .؟