السلام عليكم
.. جديد للتواصل
قصتي وياك تسمو بين ديان و مدين = داين ايطالب بحقه والمدين ايسايره
كان تفهم بالإشاره!؟ دوك بالعرض السمين = بإتضاحات التخفي .. والمعاني حايره
الغصون الخضر! ما تنمو إذا تٌزرع بطين = من درس! يعرف بأن لـزرع تربه دايره
في مفاهيم التحرٌك .. بندها !! ( رايح لوين ) = قد يكون الدرب خاطئ والخطاوي طايره
أن جمعنا بعض مما نفهمه أو نستعين = نعرف أن كل العرب حسب الضماير سايره
وأنت يا مبعد عن أنظاري ولا لك أي مبين = من عرفتك وأنت مستنقع علوم ٍ بايره
لك علوم ٍ ما تخليني أصافح لك يمين = لأنك ابصف الخباثه واللعانه ذايره
ضاري ٍ بالصد ذلك ينتج ابلعب (اللعـين) = تقبل و تقفي ولا كن لك علوم ٍ صايره
مدعي بالحب تكذب! والإجابه بالجبين = يا سبب زود الإثاره مع عقول ٍ ثايره
ما رأيت إلا أرتفاع الضغط من حين ٍ لحين = منك ! يا سبة ضياع الحب!.. ( ضيق الدايره )
أنت! مالك بالمحبه! جيت في عرض السنين = جيت في جوف الحنايا في مسمى .. ( زايره )
يا نتيجة ضيم حب وضيم قلب وضيم عين = ماني مزود وصوف ٍ منك فيني جايره
ودي .. ترجع! للبيوت الأوله والله يعين = حلل ابصيغة قصيدي .. والمعاني حايره
أتمنى قد فهمت الأن .. معناي الدفين = قبل ما شخصي يسافر مع .. ( قلوع الطايره )
أحمد بن بدير
أنت غير مسجل في منتديات منابع الأدبية . للتسجيل الرجاء إضغط هنـا
25-10-2006, 04:29 PM
في مفاهيم التحرٌك .. بندها !! ( رايح لوين )
أحمد بن بدير 
العرض العادي
