قالت فمان الله (الحضور الاول)

[ناصر الشعلان]

الأخ العزيز محمد الفرحان وهذا هو قلمي المتواضع يضع حروفه الأولى بين أساتذته من شعراء وشاعرات ملبياً لكريم دعوتك متشرفاً بها , متمنياً أن أستطيع مواكبة كوكبة النجوم في منتدياتكم الرائعة للجميع ودي ومحبتي

قالت فمان الله والدمع همال= وانا أداري : دمعة الحزن عنها
كف ٍ بكف ونظرة ٍ شوقها سال= تعزف على جرح الموادع لحنها
وده تعبر لي عن أحلام وأمال= لكن وداعي ضَيّع الحكي منها
يابنت خوذي مني علوم رجال= لايابعد (جده) ومن هو سكنها
ماقلت لك للحب ويلات (يامال)= ولابد من يوم ٍ تعانين منها
والشوق له أهات والصبر قتال= ولحظة لقاء العشاق محد ٍ ضمنها
وما قلت لك لاتسمعي بعض الاقوال= دام المحبه في خفوقي وطنها
الحب ماهو كلمة ٍ بس تنقال=التضحيه بالحب لابد منها
وانتي عزيزه حيل في كل الاحوال= ومحبتك يابنت هذا زمنها
ومصيرنا خليه للوقت وإن طال=لازم تعود الروح للي فتنها

مع حبي واحترامي للجميع
ناصر الشعلان

[خالد ماطر]

الاخ الشاعر
ناصر الشعلان
بدايه اكثر من رائعه
وصح الله لسانك
تقبل كل التحايا
ودمت بخير

[( حايره )]

ناصر الشعلان

يسعدنا الترحيب فيك

وزادت سعادتنا بمعانقة حروفك العذبه

ألف صح لسانك

ولا هنت

[ناصر الشعلان]

الشاعر القدير خالد مطر
أشكر لك مرورك الكريم وسعيد بالرد على موضوعي
لاهنت اخوي
ناصر الشعلان

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[فهد الدباسي]

ناصر الشعلان


مرحباً بك في منابعك



نفرحُ بـ حضورك و نفخرُ بـ نصٍ متميزٍ كـ هذا




صح لسانك و لاهنت

تقبل تحياتي

[التميميه]

الحب ماهو كلمـة ٍ بـس تنقـال
التضحيـه بالحـب لابـد منـهـا


ابداع يستحيل على الحروف وصفه

[حمد فرحان]

ناصر الشعلان

هلا والله ومرحبابك

حضور أول رائع

تسلم يمينك

تحياتي

[مزون المحمد]

الحب ماهو كلمـة ٍ بـس تنقـال
التضحيـه بالحـب لابـد منـهـا
وانتي عزيزه حيل في كل الاحوال
ومحبتـك يابنـت هـذا زمنـهـا
ومصيرنا خليه للوقـت وإن طـال
لازم تعـود الـروح للـي فتنهـا



ناصر الشعلان


قصيدة ومصافحة رائعة

تشرفنا بهذا النزف الراقي


صح لسانك


ولاهنت أخوي

[ناصر الشعلان]

الاخت العزيزه حايره
يشرفني مرور أمثالك على موضوعي ويزيدني شرف ردك وترحيبك
تحياتي لك
ناصر الشعلان