.. خـشـــيـــه ..!!

[فواز المطيري]

لا اعلمُ ُ من اين يُمسك القلم..
ولا من اين تؤكل الكلمآت..
لكنني اعلمُ جيداً.. ان بكم
تسمو الاحرف.. وترقى الكلِمآت..

سبحآن ربي خشيته تعتريني=رب السمآوات السبع والاراضين
علامّ مايسكن خفآيآ كنيني=قدام يارجلي على الارض تمشين
والبآرحه والليل بينه وبيني= فكري وانا في روس هآك الضلاعين
سجيت لين اني توقـّيت سيني=يوم الاجآبه مايجي بعدها سين
والله على سجـّـآت فكري يعيني=اسج والسجّه غنيمه وتحصين
عن عين من يبحث خفآي الدفيني=وعن دمي اللي تحتميه الشرايين
بالله يا ابن ابوي يابعد عيني=يا اقرب من اللي في عيوني قريبين
يافزعتي.. ياعزوتي.. ياعويني=اليآ تعنّـى لهب ثور البراكين
حبلي متينٍ .. وانت حبلك متيني= نربط بهآ راس العنآ والشيآطين
والله يزينها.. تلين .. وتزيني=غآيب ثلاث شهور من بعد شهرين
مومن ولا تصفق يسآري يميني=ولاني من اللي تصفق يسآره يمين
زهآبي غيآبي .. وعذري سميني=لكن قسم بالله .. ويآربي تعين
اني بعد فرقآك كني سجيني=لا زاد.. لا عيشه.. ولا مآء.. ولا تين
افرك خرز مسبآحي فكل حيني=ياعلّها تبري جروح العنآوين
نوبٍ على المسحوب.. ونوبٍ هجيني= وهجوس فكري.. تسمع ولا لهآ عين
مآهي بكيفي.. والظروف اتحديني=لا عآرفٍ ويني.. ولا ادري انا وين..؟
لكني ادري كيف تفزع يديني=ووين الطريق ..؟ وكيف هدّ الشيآهين..؟
ولا يرخص فعين الرجّال الثميني=واللاش في عيني سواة البراثين
وعقآل راسي محتميته يديني=من عام الاول ماهو اليوم والحين
والارض جدبآ من طوال السنيني=والعشق ماهو زين.. ولا هو بعد شين
والله عن دروب الملاقى يهديني=لوّ.. اللقا.. وضح النقا.. طيب وزين
لكني اخشى خشية العآقليني=والادمي مخلوق يا اخوك من طين

تلميذ ُ ُ في رحآب .. !!

[حمد الأسمري]

فواز

حجززززززززززززززززز أول ولي عودة مع هذه الرائعة

[إنكسارات النخيل]

فواز المطيري

تشرفت بمرو ري على

حرفك الراقي الجميل

لاهنت سيدي

كل الود

[ليان]

زهابي غيابي وعذري سميني

لكن قسم بالله ،، وياربي تعين

إني بعد فرقاك كني سجيني

لازاد لاعيشه ولاما ولاتين

فوااز المطيري ،،

صح لسانك مليون ولاهنت

قصيده جزله من شاعر جزل

دمت بود ..

والله عن دروب الملاقى يهديني
لوّ.. اللقا.. وضح النقا.. طيب وزين
لكني اخشى خشية العآقليني
والادمي مخلوق يا اخوك من طين




فواز المطيري




راقي الحرف والفكر


رائع ومبدع


صح احساسك سيدي



إيمـــــــــــان

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[منور العوني]

افرك خرز مسبآحي فكل حيني
ياعلّها تبري جروح العنآوين
نوبٍ على المسحوب.. ونوبٍ هجيني
وهجوس فكري.. تسمع ولا لهآ عين
مآهي بكيفي.. والظروف اتحديني
لا عآرفٍ ويني.. ولا ادري انا وين..؟
لكني ادري كيف تفزع يديني
ووين الطريق ..؟ وكيف هدّ الشيآهين..؟


ابداع حتى النخاع يافيصل


لك كل الاحترام وياسلامي عليك:)

[مزون المحمد]

فواز المطيري


صح لسانك على هالرائعة


لاهان راسك



دمت بخير

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[فهد الدباسي]

فواز


وافي و عزيز و غالي و ربي يشهد



حضورك أنيق و ساحر و كـ المطر لـ القلوب



لاتحرم أخيك الصغير هذه الفرحة بك دوماً



صح لسانك و لاهنت

تقبل تحياتي