السلام عليكم و رحمة الله و بركاته
في مناابـِع .. هنا /
الموقـع الذي حدثني كثيرا ً ..
عنـه .. الرائـع .. حسن الزهراني ..
أستأذنكمـ/ بالإنضمام .. لكم !
بعيدا ً عن منتدى الترحيب ..
الذي لا أحبّ التواجد فيـه ..
سأطرحُ هذه ِ المتواضعه .. و هي من بدايااتي في النظمـ/
اللتي تحتمل النقص كما هو الحال ..
في جديدي الذي لا أدّعي لهُ الكمال ..
نطمتها .. بعدما .. وجدت نفسي .. في مساحة كبيرهـ من الوقت ..
بدونـ/ مبرر .. ولا هدفـ .. فقط ( كتبت )..
و استخدمت بعض الأحرفـ/ كـ مُلهِمات !
أتمنى ان تنال النزر اليسير من اعجابكم
.
.
.
.
على فاء الفراغ اوزان قافٍ زان تصفيفه=تباعد بي عن هموم العمر و الوقت واسفافه
تخيلت الفضا من دون أي ثقال و خفيفه=ثقاله مالها بِينه و ذابت وسطه خفافه
فضا مهجور ما به غير صوت الطير و رْفيفه=و صوت الما يعلمني بقرب النهر و ضفافه
وانا ساهي وسَط دمعٍ يهلّ و وسْط تكفيفه=(تذكرت) الحبيب الي يذوب الورد فـْشفافه
جمال ومنطق و ذوقٍ ومنه الكلمه شفيفه=شموخ و طلـة البدر المنير و روح شفّافه
و من ذكراه حراف الراء ردّ القلب في ريفه= بعد ما قد طردْه اهل الوطن من زود إسرافه
يقول انّ الهوى(مابين صدق وبين تخريفه)=إثارة ساكن و تجميد لبّ الفكر واطرافه
و قلبي صافي النيـه و نيـة قلبي شْريفه=ولانيب الذي يرمي كلامٍ ضاع محرافه
و لكنّ الخلِيْ ما يحتمل كلْمات تعريفه= يشوف انّ الكلام الي ذكرته كذب وخرافه
و قام يبعثر افكار الخفوق يروم تصريفه=يبيـه ان ما سكن بالقاع (غصبٍ) عاف مشرافه
و من غصبٍ لقيت الصاد (صالح)خذ تواصيفه= سلامي يالكريم بن الكريم مجمّل اوصافه
سلامي عدّ ما هلّ المطر بـ شتاه أو صيفه= على قرمٍ شجاعٍ نايفٍ والعز ما صافه
طويل ٍ طايل ٍ طول الطويله دون توصيفه=تعلّى واعتلى و ابلى البلا في كلّ مرصافه
على هام المراجل تاج جاهٍ جاز تنصيفه=و لاهوب الذي يرضيه (رُبع) القِسم وانصافه
و عين الربع جرّتني لشيٍّ كنت بآعيفه= ولو ماعفته اليوم بْيجي لي يوم و آعافه
هذاك العفو عن زلات ناسٍ هُبْل و ضعيفه=رديين و عديمين الضمير الحيّ و ضعافه
أبسكت ليني آشوف التمادي زاد تضعيفه=و اكيل بْكيلهم ضعفين ثمّ الضعف واضعافه
و خلّ الي دخل م الباب يخرج بعْد تنعيفه= وخلّ الي لقى (حتفه) يفيد الطب باسعافه
و من حتفه بحرف الحاء جفّ الحبر بصْحيفه= ولايبقى لشخصٍ مات غير الحبر بصْحافه
ذكرت الي يموت بْعزّ والي مات في حيفه=و كلٍ صار بعد القطْن طين ورملٍ لحافه
فقير و مكتفي..تاجر..عريض الجسم و نْحيفه= و شيخ و راعيٍ كلٍ سموم الموت قد حافه
و لو كلٍ ذكر تلحيف وجهه قبْل تلحيفه= عسى ربّ (الملا) ينجيـه يوم العرض باتحافه
و من لام الملا لا هان من قدّر مواليفه= ولاهان الذي بالطيب يقفر خطوة اسلافه
و لا هنت استمع محدن يبي تسفه سواليفه= ولا هان الذي سولف بحسن القول وخلافه
ولا صرت الوحيد الي رضوا بـ اجماع تكليفه= فلا تخلف هقاويهم بكسر الراي واخلافه
و لا منّك لقيت (الخصم) لا تعْجل بـ تحليفه= و لكن مدّ له فرصه فـ بعض الناس حلافه
و خاء الخصم يا (كيري) تخاف الخصم و تخيفه= نسيت انّ الشهيد الي مضى للموت ما خافه
خسيس و سافلٍ ..معتوه..محدن خالجه خيفه= وخلك خلف خوّان الخلايق بوش و سْخافه
خلاص آخر تخاريف الزمن ما عادت سْخيفه= بعد ما صار (شبّ) النار بيد الفار وصْخافه
و شبّوا وانتشى بعض البشر هالريح من شيفه =وداروا والردى داير على اللي ردّنا شافه
نشينا ما نشى منّا ذليل و لا بنا شِيفه = نشمـّر للشرر سُمر القنا للموت رشـّافه
وسلامتكم
أنت غير مسجل في منتديات منابع الأدبية . للتسجيل الرجاء إضغط هنـا
13-08-2006, 03:38 AM
شمـوخ .. و طلــّة البدر المنيـر .. و روح شفـّافـه .. ! حضور أول
عبدالرحمن العمري 
العرض العادي
