سرك في بير

[عبد الرحمن سعد]

السلام عليكم ورحمة الله وبركاته
أخواني الأعضاء
هذه قصيده جديده من قصائدي التي اتمنى أن تحوز على رضاكم وإعجابكم

كنت أحسبني لامضى الوقت بنساك = واثر الغلا يزداد يوماَ ورى يوم
مرت سنة وشهور من يوم فرقاك = وأنا حياتي كلها أحزان وهموم
حسبي على اللي قرر البعد وأقصاك = اللي غديت بسبته منك محروم
المشكلة أنك تبيني وأنا أبغاك = وغصبٍ علينا أصبح البعد محتوم
مافادني دمعي ولافادك بكاك = بيوم الخميس اللي لنا حيل مشؤوم
ليته درى وش كثر أحبك وأهواك = وإنك بقلبي كوم والناس في كوم
وليته درى عن خافقٍ حيل أغلاك = ماكان باعك يالغلا بأول السوم
صعبة حياتي ياحياتي بلياك = صارت نكد صارت حزن صرت مهموم
حتى الفرح ياصاحبي غاب وياك = أنشهد إني من مفارقك مظلوم
وشلون أمحي ذكرياتك وأمحاك = ودايم خيالك داخل العين مرسوم
وطيفك مخاويني وصوتك وطرياك = من وقت ما أصحى إلا حزة النوم
وأكبر مصيبة يوم أطيح بهداياك = وصورة قديمة ساكنة داخل ألبوم
ومادام مابه في الخلايق حلاياك = بأصد عن غيرك من الناس وآشوم
وأصون عهدك وآتسلا بذكراك = إلين مايقولوا ترى فلان مرحوم
وأوعدك يالغالي ولو طال فرقاك = سرك في بير وداخل القلب مكتوم

وسلامتكم
اخوكم
عبد الرحمن سعد
حزين الحرف

[مشاعل ابراهيم]

اخي حزين الحرف



ألف صح لسانك على هذه القصيدة الرائعة التي بروعة حضورك و تواجدك



وشرفني كوني اول من عانق هذه الرائعة يالغالي




دمت بكل خير

[محمد الفرحان]

.

.

شاعرنا

عبدالرحمن سعد

( حزين الحرف )

.

.

صح لسانك يامبدع

.

.

قصيده رائعه بروعتك ومتصفح يجبر على

البقاء به طويلا" . .

.

.

دمت بهذا التألق وهذا الحضور ولاعدمنا

تواجدك . . .

.

.

تقبل فائق تقديري واحترامي

[عبدالرحمن العمري]

عبدالرحمن بن سعد ..

مبدع / يالسميّ !


صح كلك و لا هنت ..


أخوك ـ

[عبد الرحمن سعد]

مشاعر ابراهيم
يسعدني ويشرفني أن تكوني اول من يرد علي
صح بدنك ولا هنتي
على الرد الجميل

[مزون المحمد]

عبدالرحمن سعد


تواجد يشرفنا هنا


لاهان حرفك الرائع


ولاهنت

[( حايره )]

بعض الظروف تجبرنا على الإبتعاد

لكنها لا تستطيع أن تجبر قلوبنا على النسيان

فالقلب عندما يُحب لا يمكن له أن ينسى

بل يظل على ذكرى ذلك الحب


عبد الرحمن سعد

ألف ألف صح لسانك

دام بوحك ... وطابت جروحك

[بسـام بن عبدالعزيـز]

عبدالرحمن



صح لسانك

وسعيدين بهذا الحضور

لا هنت



احترامي

شاعرنا الراقي




عبد الرحمن سعد



صح احساسك ولسانكـ


مدد بلاعدد لهذا النص


لك كل التقدير والاحترام







إيمــــــان

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي