يلعن أبو الشعر..!

[أكرم التلاوي]

المشاركة الأصلية كتبت بواسطة فايز بن ماجد

بسم الله الرحمن الرحيم

السلام عليكم ورحمة الله وبركاته

صباحكم ورد

متواضعة أتمنى ان ترتقى الى ذوائقكم

ليت الذي من قلب.. بالقلب مدفون = كنت احسب ان البوح يشفي طعوني
عز الله ان الشاعر انسان مفتون = ذكرى قصيدة زوّدت من شجوني
أحباب قلبي وينهم ليه ينسون = دمعي عليهم مايفارق عيوني
ياما نخيت وقلت تكفون تكفون = بموت انا من البعد لاتتركوني
كنت انتظر منهم عليّه يردون = ابكي وهم ماظن مثلي بكوني
خايف عليهم يابشر مايردون = بالكون هذا والا ماهم بكوني
من عقبهم بالله انا كيف ابكون =راحوا ولكن ليتهم طّمنوني
أبي سلامتهم أنا ليه يبطون = أدعي لهم بالخير لو هم نسوني
من بعدها جت من خذت سحر هالكون = حتى لو ان ظروف عنها امنعوني
الفاتن اللي قلبها بيّ مسكون = عامين تبحر في فرايد لحوني
جت معجبة وتقول ابسالك وشلون = احساسك وحسك ونظمك خذوني
ملكتني جننتني ..أنت مجنون؟! = بلاني الله فيك واطلبك عوني
ماظنتي قلبك بيرضى لي الهون = أذكرك انا يوم الجميع اذكروني
قلت احتويها ..خابر الحب ملعون = دامي فقدت احباب ماودعوني
ضايع وقلت آضيع مع من يضيعون = يمكن هواها ايضيع من ضيعوني
حتى املكتني وكنت انا حيل ممنون =حبيتها ومايوم تخلف ظنوني
قد وجمال وعنق وخدود وعيون = لاشفتهم ناديت ماترحموني
لكنها راحت مع اللي يروحون = سألت عنها الناس ماجاوبوني
هي له تنسى حب واحساس مظنون =خوفي عليها والحزن عذبوني
صارت حياتي هم لاطعم لالون =وأعز خلاني بها فارقوني
يلعن ابو شعراً يسبب لي اشجون = عسى ماجبته والملا ماقروني
قولوا جنون وقولوا اللي تقولون = أصلا ً من العام معلن جنوني

تحياتي

فايز السليمي

الشاعر فايز السليمي

صح لسانك ملاييين ملايين ملايين

قصيده أقل ما يقال فيها أنها ررائعه ولا يفيها الوصف

راقت لي كثيرا ً

قرأتها مرات ومرات وفي كل مره أصفق لك

أبدعت وتستحق الاشاده

لك كل الود على ما أبدعت